!!! କନ୍ଧମାଳ ଜିଲ୍ଲା କୋଟଗଡ଼ ରୁ କିରଣ ନାୟକ ଙ୍କ ରିପୋର୍ଟ୍ !!!
ଏଥର ସମ୍ଭାଳ (କୋଟଗଡ଼) – କନ୍ଧମାଳ ଜିଲ୍ଲା କୋଟଗଡ଼ ପୋଲିସ୍ ଜଣେ ଠକକୁ ଗିରଫ କରିଛି । ଠିକ୍ ଜଣକ ବ୍ରାହ୍ମଣୀଗାଁ ଥାନା ତାଜୁଙ୍ଗିଆ ଗ୍ରାମର ଭିମରାଜ ନାୟକ ବୋଲି ପୋଲିସ ପକ୍ଷରୁ ସୁଚନା ମିଳିଛି । ଘଟଣା ପ୍ରକାରେ ଠକ ଭିମରାଜ ନିଜକୁ ITDA(ସମନ୍ଵିତ ଆଦିବାସୀ ଉନ୍ନୟନ ସଂସ୍ଥା)ର କର୍ମଚାରୀ କହି ଦୀର୍ଘଦିନ ହେଲା କୋଟଗଡ଼ ଅଞ୍ଚଳବାସୀଙ୍କୁ ଠକୁଥିଲା । ଲୋକଙ୍କୁ କାଜୁ ଚାରା ଓ ଛେଳି ଋଣ ଦେବା ନା ରେ ଲୋକଙ୍କଠାରୁ ଲକ୍ଷାଧିକ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି । କିଛିଦିନ ପରେ ଲୋକେ ଚାରା କିମ୍ବା କୌଣସି ଋଣ ନପାଇ ବାଲିଗୁଡ଼ା ଆଇଟିଡିଏ କାର୍ଯ୍ୟାଳୟକୁ ଯାଇଥିଲେ । ସେଠାରୁ ଜାଣିବାକୁ ପାଇଥିଲେ ଯେ ଭିମରାଜ ନାୟକ ନାମରେ କୌଣଶି କର୍ମଚାରୀ ସେଠାରେ କାମ କରୁନାହାନ୍ତି ।ଠକ ଭିମରାଜ ପାରିଗଡ଼ ଗ୍ରାମକୁ ଯାଇଥିବା ବେଳେ ଭିମରାଜକୁ ଗ୍ରାମବାସୀ ଧରି ପୋଲିସ୍ ର ଜିମା ଦେଇଛନ୍ତି । ଏନେଇ କୋଟଗଡ ପୋଲିସ୍ ଅଭିଯୁକ୍ତ ବିରୋଧରେ ଦଫା 420, 419, 294 ଏବଂ 506ରେ ଏକ ମାମଲା ରୁଜୁ କରି ଠକ ଭିମରାଜ କୁ କୋର୍ଟ ଚାଲାଣ କରିଥିବା ସୂଚନା ଦେଇଛନ୍ତି କୋଟଗଡ଼ ଆଇଆଇସି ହରମୋହନ ନାୟକ । ଏଥିସହିତ ଏମିତି ଠକ ଲୋକଙ୍କଠାରୁ ଦୁରେଇ ରହିବା ସହ ଅଜଣା ଅଚିହ୍ନା ବ୍ୟକ୍ତି ଙ୍କୁ ନିଜ ଅଞ୍ଚଳରେ ଦେଖିଲା ମାତ୍ରେ ତୁରନ୍ତ ପୋଲିସ କୁ ଜଣାନ୍ତୁ ବୋଲି ପରାମର୍ଶ ଦେଇଛନ୍ତି ଆଇଆଇସି l
