ଗଜପତି ଜିଲ୍ଲା ବିଜେଡି ଯୁବମୋର୍ଚ୍ଚା ପକ୍ଷରୁ ଉପଲଡା ପଞ୍ଚାୟତରେ ଗରିବ ଲୋକଙ୍କୁ ରାସନ ସାମଗ୍ରୀ ଓ ମାସ୍କ ବଣ୍ଟନ।
!!! ଗଜପତି ଜିଲ୍ଲା ପାରଳାଖେମୁଣ୍ଡି ରୁ ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପାରଳାଖେମୁଣ୍ଡି) – ଗଜପତି ଜିଲ୍ଲା ବିଜେଡି ଯୁବମୋର୍ଚ୍ଚା ପକ୍ଷରୁ ଜିଲ୍ଲାର ଗୋଷାଣୀ ବ୍ଲକ ଅନ୍ତର୍ଗତ ଉପଲଡା ପଞ୍ଚାୟତର ବିଭିନ୍ନ ଅଞ୍ଚଳରେ ରହିଥିବା ଅଭାବୀ ଗରିବ ଲୋକ ମାନଙ୍କୁ ଚାଉଳ ଓ ପନିପରିବା ସମେତ ମାସ୍କ ବଣ୍ଟନ କାର୍ଯ୍ୟକ୍ରମ ଯୁବମୋର୍ଚ୍ଚାର ସଭାପତି ଏସ: ଲିଙ୍ଗରାଜଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଛି ।
ଏହି ପରିପ୍ରେକ୍ଷୀରେ ବିଜେଡି ଯୁବମୋର୍ଚ୍ଚା ସଭାପତି ଶ୍ରୀ ଲିଙ୍ଗରାଜ ସାମ୍ବାଦିକ ମାନଙ୍କୁ କହିଥିଲେ ଯେ , ମହାମାରି କରୋନାର କଡା ମୁକାବିଲା କରିବା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ଲକ୍ ଡାଉନ୍ ଘୋଷଣା କରାଯାଇଛି ।
ଏଭଳି ସଙ୍କଟମୟ ସମୟରେ ଗ୍ରାମାଞ୍ଚଳରେ ରହିଥିବା ଅଭାବୀ-ଗରିବ ଲୋକମାନେ କାମଧନ୍ଦା ଅଭାବ ଓ ସେମାନଙ୍କ ଗରିବତା ଯୋଗୁଁ ଖାଇବା ଓ ଚଳିବା କ୍ଷେତ୍ରରେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି ।
ଗରିବ-ଅଭାବୀ ଲୋକଙ୍କ ଏଭଳି ପରିସ୍ଥିତିକୁ ଦୃଷ୍ଟି ଆଗରେ ରଖି ଆମ ବିଜେଡି ଦଳର ସୁପ୍ରିମୋ ତଥା ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଏବଂ ମାନ୍ୟବର ବ୍ରହ୍ମପୁର ସାଂସଦ ଶ୍ରୀ ଚନ୍ଦ୍ରଶେଖର ପଟ୍ଟନାୟକଙ୍କ ନିର୍ଦ୍ଦେଶ ଓ ପରାମର୍ଶ ରହିଛି ଯେ , ଦଳୀୟ କର୍ମୀ ଓ ନେତା ମାନେ ନିଜର ସମ୍ବଳ ଶକ୍ତିକୁ ପାଥେୟ କରି ଏଭଳି ସଙ୍କଟମୟ ସମୟରେ ଗରିବ-ଅଭାବୀ ଲୋକମାନଙ୍କୁ ଯଥା ସାହାଯ୍ୟ ଯୋଗାଇ ଦେବାପାଇଁ ।
ସେହି ପରାମର୍ଶ ଓ ନିର୍ଦ୍ଦେଶ କ୍ରମେ ଆଜି ଉପଲଡା ପଞ୍ଚାୟତ ଅଞ୍ଚଳରେ ଦିଆହେଲା । ୫ କେଜି ଲେଖାଏଁ ଚାଉଳ , ପନିପରିବା ଓ ମାସ୍କ ପ୍ରାୟ ଏକ ହଜାର ଗରିବ , ଅସହାୟ ଅଭାବୀ ଲୋକଙ୍କୁ ବଣ୍ଟନ କରାଯାଇଛି ବୋଲି ଶ୍ରୀ ଲିଙ୍ଗରାଜ କହିଛନ୍ତି ।