!!! ଗଞ୍ଜାମ୍ ଜିଲ୍ଲା ଛତ୍ରପୁର ରୁ ଉପଖଣ୍ଡ ପ୍ରତିନିଧି ପବିତ୍ର ରାଉତ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପୋଲସରା) – -ଶିଶୁମାନଙ୍କ ମାନସିକ, ଶାରୀରିକ ଓ ବୌଦ୍ଧିକ ବିକାଶ ପାଇଁ ସରକାର ସ୍ୱତନ୍ତ୍ର ଭାବେ ସମନ୍ବିତ ଶିଶୁ ବିକାଶ ସେବା ବିଭାଗ ଗଠନ କରିଛନ୍ତି। ଏହି ବିଭାଗ ସାଧାରଣତଃ ଜନ୍ମରୁ ଛଅ ବର୍ଷୀୟ ଶିଶୁ, ଗର୍ଭବତୀ ମହିଳା ଓ ପ୍ରସୂତି ମାନଙ୍କୁ ପୁଷ୍ଟିକର ଖାଦ୍ୟ ଯୋଗାଇବା ସହ ଶିଶୁମାନଙ୍କୁ କୁପୋଷଣରୁ ରକ୍ଷା କରିବା ପାଇଁ କାର୍ଯ୍ୟକରେ । ଏଥିପାଇଁ ପ୍ରତ୍ୟେକ ଗ୍ରାମରେ ଅଙ୍ଗନବାଡି କେନ୍ଦ୍ରରେ ଅଙ୍ଗନବାଡି କର୍ମୀ ନିଯୁକ୍ତି ଅଛନ୍ତି। କିନ୍ତୁ କେତେକ ସ୍ଥାନରେ ଦିଆଯାଉଥିବା ପୁଷ୍ଟିକର ଖାଦ୍ୟ ଅତି ନିମ୍ନମାନର ହେଉଥିବା ବେଳେ କେତେକ ସ୍ଥାନରେ ଏହାର ବାଟମାରଣା ହେଉଥିବା ମଧ୍ୟ ବିଭିନ୍ନ ସମୟରେ ଅଭିଯୋଗ ଆସୁଛି । ଏହିପରି ଏକ ଉଦାହରଣ ଦେଖିବାକୁ ମିଳିଛି ପୋଲସରା ବ୍ଲକ ଅନ୍ତର୍ଗତ ଗୋଛାବାଡ଼ି ପଞ୍ଚାୟତରେ l ଗୋଚ୍ଛାବାଡ଼ି ଅଙ୍ଗନବାଡି କେନ୍ଦ୍ର -2 ରେ ଦିଆଯାଉଥିବା ଖାଦ୍ୟର ବାଟମାରଣା ହେଉଥିବା ଅଭିଯୋଗ ହୋଇଛି। କେନ୍ଦ୍ରରେ ପଢ଼ୁଥିବା ଶିଶୁଙ୍କ ପାଇଁ ମାସକୁ 20 ଟି ଏବଂ ପ୍ରସୂତିମାନଙ୍କ ପାଇଁ 12 ଟି ଅଣ୍ଡା ଦେବାର ବ୍ୟବସ୍ଥା ଥିବାବେଳେ ପ୍ରସୂତି ମାନଙ୍କୁ 12 ଟି ବଦଳରେ 8 ଟି ଅଣ୍ଡା ଦିଆଯାଉଥିବା ଗ୍ରାମର ଜଗନ୍ନାଥ ଗୌଡ଼, ଅନିଲ ଜେନା, ସଞ୍ଜୟ ଗୌଡ଼, ଦୁର୍ଗା ମାଧବ ବେହେରା ସମେତ କିଛି ଗ୍ରାମବାସୀ ଅଭିଯୋଗ କରିଛନ୍ତି। ଏନେଇ କେନ୍ଦ୍ରରେ କାର୍ଯ୍ୟରତ ଅଙ୍ଗନବାଡି କର୍ମୀ ସୁଦେଷ୍ଣା ଗୌଡ଼ଙ୍କ ସହ ଯୋଗାଯୋଗ କରିବାରୁ ସେ କହିଲେ ଯେ 12 ଟା ଆସୁଛି କିନ୍ତୁ ଆମେ 8 ଟା ଦୋଉଛୁ l ବାକି 4 ଟା ଅଣ୍ଡା କାହିଁକ ମିଳୁନି ପଚାରିବାରୁ ମୁଁ ଜାଣିନି ବୋଲି ଶ୍ରୀମତୀ ଗୌଡ଼ ଉତ୍ତର ଦେଉଛନ୍ତି। ଏନେଇ ପୋଲସରା ସିଡିପିଓଙ୍କ ସହ ଯୋଗାଯୋଗ କରିବାରୁ ଘଟଣା କଣ ହୋଇଛି ମୁଁ ଅନୁସନ୍ଧାନ କରି କହିବି ବୋଲି ପ୍ରକାଶ କରିଛନ୍ତି। ତେବେ ପ୍ରଶ୍ନ ଉଠୁଛି ଶିଶୁମାନଙ୍କ ପାଇଁ ଆସୁଥିବା ଖାଦ୍ୟର ବାଟମାରଣା କରୁଛି କିଏ ? ବିଭାଗର ଅଗୋଚରରେ ଏହା ହେଉଛି ନା ଜାଣିଶୁଣି କରାଯାଉଛି ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହେବାସହ ଜିଲ୍ଲା ପ୍ରଶାସନ ଏଦିଗରେ ଦୃଷ୍ଟିଦେବାକୁ ଦାବି ହୋଇଛି।