ଗୁଣପୁର ର ଜନ ଗହଳି ସ୍ଥାନ ରେ ପ୍ରତିଦିନ ସାନିଟାଇଜର ସିଞ୍ଚନ କୁ ଦିଆଯାଉଛି ଗୁରୁତ୍ୱ !

!!! ଗୁଣୁପୁର ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଷୀ ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଣପୁର) – ବିଶ୍ୱ ବ୍ୟାପି କରୋନାରେ ଆତଙ୍କିତ ରହିଥିବା ବେଳେ ପ୍ରତିଷେଧକ ଔଷଧ କିମ୍ବା ଭେକ୍ସିନ ବ୍ୟତୀତ ସାମାଜିକ ଦୂରତା ଓ ପରିମଳ ସ୍ୱଚ୍ଛତା ହିଁ ଏକମାତ୍ର ବିକଳ୍ପ ବୋଲି ଜନସଚେତ ଜାଗୃତ କରାଯାଇଛି ।ଏଥିନିମନ୍ତେ ସରକାର ସାରା ରାଜ୍ୟରେ ଲୋକ୍ ଡାଉନ କରିବା ସହ ନିଜକୁ ସୁରକ୍ଷା ପାଇଁ ବାରମ୍ବାର ହାତ ସଫା ସହ ଜନ ଗହଳି ସ୍ଥାନରେ ସାନିଟାଇଜର ସିଞ୍ଚନ ଉପରେ ଗୁରୁତ୍ୱ ଦେଉଛନ୍ତି।ଏ ପରପ୍ରେକ୍ଷୀରେ ରାୟଗଡା ଜିଲ୍ଲା ଗୁଣପୁର ବ୍ଳକ ପ୍ରଶାସନ ପକ୍ଷରୁ ସହରରେ ଥିବା ଅଧିକ ଜନ ଗହଳି ସ୍ଥାନରେ ଏବଂ ବଜାର ରେ ସ୍ଥାନୀୟ ଅଗ୍ନିଶମ ବିଭାଗ ସହଯୋଗରେ ସାନିଟାଇଜର ସିଞ୍ଚନ କରାଯାଇଛି । ଆବଶ୍ୟକତା ଦୃଷ୍ଟିରୁ ଗତକାଲି ସନ୍ଧ୍ୟା ୫ ଘଣ୍ଟା ସମୟରେ ଗୁଣପୁର ସ୍ୱାସ୍ଥ୍ୟ କେନ୍ଦ୍ରରେ ସିଞ୍ଚନ ପ୍ରକ୍ରିୟା ଆରମ୍ଭ କରାଗଲା। ଏଭଳି ସହରରେ ଆବଶ୍ୟକତା ଥିବା ଜନଗହଳି, ସ୍ୱାସ୍ଥ୍ୟକେନ୍ଦ୍ର, ଦୈନିକ ବଜାର, ସ୍ଥାନୀୟ ଛକରେ କରାଯାଇଥିବା ବେଳେ ପ୍ରତିଦିନ ଅପରାହ୍ନରେ ସହରରେ ଏକଘଣ୍ଟା ପାଇଁ ସିଞ୍ଚନ କାର୍ଯ୍ୟକ୍ରମ ଜାରି ରହିବ ବୋଲି ଗୁଣପୁର ତହସିଲଦାର ଲକ୍ଷ୍ମୀ ନାରାୟଣ ସାବତ ପ୍ରକାଶ କରିଛନ୍ତି। ଏହି କାର୍ଯ୍ୟକ୍ରମ କୁ ଅଗ୍ନିଶମ ବିଭାଗ ଅଧିକାରୀ ଏସ୍ ଲାଲାଜି ଉପସ୍ଥିତ ରହି ପରିଚାଳନା କରିଥିଲେ ।