ପୋୖର କର୍ମଚାରୀଙ୍କ ଠାରୁ ଭତ୍ତା ଟଙ୍କା ବ୍ୟାଗ ଧରି ଦୁର୍ବୃତ୍ତ ଚମ୍ପଟ ।

!!! ସୁନ୍ଦରଗଡ ଜିଲ୍ଲା ରାଜଗାଙ୍ଗପୁର ରୁ ରମେଶ ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଜଗାଙ୍ଗପୁର) – କରୋନା କୁ ନେଇ ଲକ ଡାଉନ ଥିବାରୁ ସରକାରଙ୍କ ତରଫରୁ ବୃଦ୍ଧ ବୃଦ୍ଧାଙ୍କୁ ଘର ଘର ଯାଇ ଭତ୍ତା ଟଙ୍କା ବଣ୍ଟନ ପାଇଁ ବ୍ୟବସ୍ଥା କରାଯାଇଛି ।
ଲକ ଡାଉନ ଯୋଗୁ ରାଜଗାଙ୍ଗପୁର ପୌରପାଳିକା ତରଫରୁ ପ୍ରତେକ ୱାର୍ଡରେ ପୋୖର କର୍ମଚାରୀ ଘର କୁ ଘର ଯାଇ ପୌଢ଼ଙ୍କୁ ଭତ୍ତା ଟଙ୍କା ଦେବା ପାଇଁ ବ୍ୟବସ୍ଥା କରାଯାଇଛି । ଏହି କ୍ରମରେ ଆଜି ୱାର୍ଡ ନଂ୬ ବଗିଚାପଡା ଠାରେ ବାରଟା ସମୟରେ ପୌରପାଳିକାର କର୍ମଚାରୀ ପ୍ରମୋଦ ଦାଶ ଭତ୍ତା ଟଙ୍କା ବାଣ୍ଟୁଥିବା ବେଳେ ଜଣେ ଦୁର୍ବୁଦ୍ଧ ପ୍ରମୋଦଙ୍କ ହାତରୁ ଟଙ୍କା ବ୍ୟାଗ ଟିକୁ ଛଡାଇ ନେଇ ଚମ୍ପଟ ମାରିଥିବା ଜଣାପଡିଛି । ଏହାକୁ ନେଇ ଥାନାରେ ଏକ ମାମଲା ରୁଜ୍ଜୁ କରାଯାଇଛି । ଲୂଟ ଟଙ୍କା ଆନୁମାନିକ ଭାବରେ ଦଶ ହଜାର ବୋଲି ଜଣାପଡିଥିବା ବେଳେ ସଠିକ ପରିମାଣ କେତେ ତାହା ହିସାବ ପରେ ଜଣାପଡିବ । ଏଠି ପ୍ରଶ୍ନ ଉଠୁଛି ଭତ୍ତା ଟଙ୍କା ବଣ୍ଟା ଗଲାବେଳେ ପୌରପାଳିକା ତରଫରୁ ପୋଲିସର ସହାୟତା ନିଆଯାଉ ନାହିଁ କାହିଁକି ? ପୋୖର କର୍ମଚାରୀ ଭତ୍ତା ଟଙ୍କା ବାଣ୍ଟିଲା ବେଳେ ଭିଡ଼ ଯୋଗୁ ତାଙ୍କୁ ବହୁ ସମସ୍ୟାର ସମ୍ମୁଖିନ ମଧ୍ୟ ହେଉଥିବାର ଦେଖିବାକୁ ମିଳୁଛି । ଏପଟେ କରୋନା ଭୟ କୁ ସେପଟେ ଟଙ୍କା ଚୋରୀ ହେବାର ଭୟ ପୋୖର କର୍ମଚାରୀଙ୍କ ପାଇଁ ବଡ଼ ଚାଲେଞ୍ଜ ସୃଷ୍ଟି କରିଛି ।