!!! ଗଞ୍ଜାମ ଜିଲ୍ଲା ବେଗୁନିଆପଡା ରୁ ମୁନା ନାୟକଙ୍କ ରିପୋର୍ଟ !!!
ଏଥର ସମ୍ଭାଳ (ବେଗୁନିଆପଡା) -ପବିତ୍ର ଶିବରାତ୍ରୀ ଅବସରରେ ବେଗୁନିଆପଡା ବ୍ଲକର ବିଭିନ୍ନ ଶୈବପୀଠ ରେ ଭକ୍ତଙ୍କ ଢେର ସମାଗମ ହୋଇଥିଲା l ଏହି ବ୍ଲକର ସାଙ୍କୁଡା ସ୍ଥିତ ଶ୍ରୀ ଧବଳେଶ୍ୱରଙ୍କ ପୀଠରେ ଦଶ ହଜାରରୁଅଧିକ ଭକ୍ତଙ୍କ ସମାଗମ ହୋଇଥିବା ବେଳେ କେ. ବରିଡା ସ୍ଥିତ ଅମରେଶ୍ବର, ବେଗୁନିଆପଡା ସିଦ୍ଧେଶ୍ୱର, କୋଦଳା ସ୍ଥିତ ଶ୍ରୀ ଦଣ୍ଡେଶ୍ଵର, ଷଣ୍ଢମୂଳ ସ୍ଥିତ ତୁମ୍ବେଶ୍ୱର, ତାଳସର ସ୍ଥିତ ତlଳେଶ୍ଵର, ଏ. ଶାଳବଣ ସ୍ଥିତ ସିଦ୍ଧେଶ୍ଵର, ପାଇକପଡl ସ୍ଥିତ ବଟେଶ୍ୱର, ସାଙ୍କୁଡା ସ୍ଥିତ ଜଗତେଶ୍ୱରଙ୍କ ପୀଠରେ ଭକ୍ତଙ୍କ ସମାଗମ ହୋଇଥିଲା l ସନ୍ଧ୍ୟାରେ ମନ୍ଦିର ବେଢାରେ ଭକ୍ତ ମାନେ ଦୀପ ଲଗାଇ ପୂଜାର୍ଚନା କରିଥିଲେ l ମନ୍ଦିର କମିଟି, ବେଗୁନିଆପଡା ଓ କୋଦଳା ପୋଲିସ ପକ୍ଷରୁ ଶାନ୍ତି ଶୃଙ୍ଖଳା ରକ୍ଷା କରାଯାଇଥିଲା l ବିଭିନ୍ନ ମନ୍ଦିରରେ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା l
