ନୂଆପଡ଼ା ଠାରେ ସମନ୍ଵିତ ବୃଷ୍ଟି ପୁଷ୍ଟ କୃଷି ପଦ୍ଧତି ଯୋଜନାର ଶୁଭ ଉନ୍ମୋଚନ ।

!!! ନୂଆପଡ଼ା ରୁ ଜିଲ୍ଲା ପ୍ରତିନିଧି ସତୀଶ ଯୋଶୀ ଙ୍କ ରିପୋର୍ଟ !!!

ଏଥର ସମ୍ଭାଳ (ନୂଆପଡ଼ା) – ଜାତୀୟ ବୃଷ୍ଟି ପୁଷ୍ଟ ଅଞ୍ଚଳ ପ୍ରାଧିକରଣ, ସଂଯୁକ୍ତ ରାଷ୍ଟ୍ର ଖାଦ୍ୟ ଓ କୃଷି ସଂଗଠନ ଏବଂ ଭାରତ ସରକାରଙ୍କ ମିଳିତ ଚେଷ୍ଟା ରେ ନୂଆପଡ଼ା ଜିଲ୍ଲାପାଳ ଙ୍କ ସମ୍ମିଳନୀ କକ୍ଷରେ ଖାଦ୍ଯ ସୁରକ୍ଷା ଓ ଅଧିକ ରୋଜଗାର ପାଇଁ ଏକାଭିମୁଖୀ ଯୋଜନା ରୂପାୟନ ମାଧ୍ୟମରେ ଭୂଦୃଶ୍ୟ ଆଧାରିତ ସମନ୍ଵିତ ବୃଷ୍ଟି ପୁଷ୍ଟ କୃଷି ପଦ୍ଧତି ଯୋଜନାର ଶୁଭ ଉନ୍ମୋଚନ କରାଯାଇଛି। ଏହି ଯୋଜନା କୋମନା ବ୍ଲକ ର ଦୁଇଟି ଆଦିବାସୀ ଗ୍ରାମରେ କାର୍ଯ୍ୟକାରୀ ହେବ। ଏହି କାର୍ଯ୍ୟକ୍ରମ ରେ ରାଜ୍ୟ ସରକାରଙ୍କ ବହୁ ଉଚ୍ଚ ପଦସ୍ଥ ପଦାଧିକାରୀମାନେ ଯୋଗଦେଇ ଏହି ଯୋଜନା ମାଧ୍ୟମରେ କିଭଳି ଆର୍ଥିକ ଅଭିବୃଦ୍ଧି ହୋଇପାରିବ ତା ଉପରେ ଗୁରୁତ୍ଵ ଆରୋପ କରିଥିଲେ। ଜିଲ୍ଲାପାଳ ମହୋଦୟ ଏହି ଯୋଜନାର ସଫଳ ରୂପାୟନ କାମନା କରିବା ସହ ଧନ୍ୟବାଦ ଅର୍ପଣ କରିଥିଲେ।