ଖଲ୍ଲିକୋଟ ଠାରେ ବିଶ୍ଵ କର୍କଟ ଦିବସ ପାଳିତ।
!!! ଗଞ୍ଜାମ୍ ଜିଲ୍ଲା ଛତ୍ରପୁର ରୁ ଉପଖଣ୍ଡ ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଖଲ୍ଲିକୋଟ) – ବିଶ୍ବ କର୍କଟ ଦିବସ ଅବସରରେ ବିଶ୍ବର ସବୁ ଦେଶରେ ଏହି ଦିବସକୁ ପାଳନ କରାଯାଇଥାଏ । କର୍କଟ ପରି ଏକ ମାରାତ୍ମକ ରୋଗରେ ବର୍ଷକୁ ପଚାଶ ହଜାରରୁ ଅଧିକ ଲୋକ ଓଡ଼ିଶାରେ ଆକ୍ରାନ୍ତ ହୋଇ ଥାନ୍ତି । ଏହି ରୋଗ ହେବାର ଅନେକ କାରଣ ମଧ୍ୟରୁ ପାନ, ବିଡ଼ି, ସିଗାରେଟ, ଗୁଟୁଖା ଓ ମଦ୍ୟ ସେବନ କରୁଥିବା ବ୍ୟକ୍ତି ବିଶେଷ ଭାବରେ ଆକ୍ରାନ୍ତ ହୋଇଥାନ୍ତି । ଏଥି ନିମନ୍ତେ ଲୋକ ମାନଙ୍କୁ ସଚେତନ କରିବା ପାଇଁ ଭୂବନେଶ୍ୱର ସ୍ଥିତ ହେଲ୍ପ ଏଜ ଓଡ଼ିଆ ସଂଗଠନ ପକ୍ଷରୁ ଖଲିକୋଟ ସ୍ଥିତ ପ୍ରିମିୟର ଇଂରାଜୀ ମିଡ଼ିୟମ ସ୍କୁଲର ଛାତ୍ର ଛାତ୍ରୀ ମାନଙ୍କ ଦ୍ଵାରା ଖଲିକୋଟ ଥାନା ଅନ୍ତର୍ଗତ ତୁଳସୀପୁର ମାଟିଆ ସାହିରେ ସଚେତନତା ରାଲି ଓ ପଥପ୍ରାନ୍ତ ସଭା ଅନୁଷ୍ଠିତ କରାଯାଇଥିଲା । ଏହି କାର୍ଯ୍ୟକ୍ରମରେ ହେଲ୍ପ ଏଜ ଓଡ଼ିଆର ମୂଖ୍ୟ ପରିଚାଳକ ରବୀନ୍ଦ୍ର କୁମାର ସାହୁ, ସାମ୍ବାଦିକ ତଥା ସମାଜସେବୀ ଅଶୋକ କୁମାର ତ୍ରିପାଠୀ, ପ୍ରିମିୟର ଇଂରାଜୀ ମିଡିୟମ ସ୍କୁଲର ପରିଚାଳକ ତପନ ଆଚାର୍ଯ୍ୟ, ସାମ୍ବାଦିକ ପ୍ରଦୀପ୍ତ କୁମାର ସାହୁ, ଅଶ୍ୱିନୀ ମହାନ୍ତି ଓ ଅମର ସାହୁ ଯୋଗ ଦେଇଥିଲେ ।