!!! ଗଞ୍ଜାମ୍ ଜିଲ୍ଲା ଖଲ୍ଲିକୋଟ ରୁ ଅଶ୍ଵିନ କୁମାର ମହାନ୍ତି ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଖଲ୍ଲିକୋଟ) – କ୍ୟୁବା ରେ ୩ ମହଲା ଛାତ ରୁ କାର୍ଯ୍ୟରତ ଶ୍ରମିକ ରମେଶ ମହାରଣା ଖସି ମୃତୁବରଣ କରିବାକୁ ୩ ଦିନ ବ୍ୟାପିଥିଲେ ମଧ୍ୟ ଏଯାବତ ରମେଶ ର ସବ କୁ ଭିଟାମାଟି କୁ ଫେରିଆଣିବା ପାଇଁ କୌଣସି ବ୍ୟବସ୍ତା ହୋଇନାହିଁ | ଏପରିକି ମୃତୁ ଖବର ପହଂଚିବା ର ୪୮ ଘଣ୍ଟା ବିତିଥିଲେ ମଧ୍ୟ ଶ୍ରମ ବିଭାଗ ର କୌଣସି ପଦାଧିକାରୀ କିମ୍ବା ରାଜନେତା ଶୋକ କୋଳ ପରିବାର କୁ ଭେଟିନାହାନ୍ତି | ସ୍ୱାମୀ ର ମୃତୁ ଖବର ପାଇଁ ମ୍ରିୟମାଣ ହୋଇଥିବା ବିଧବା ପତ୍ନୀ ରେଣୁ ପିଲା ଙ୍କ ଭରଣପୋଷଣ ଓ ପେଟପାଟଣା ଚିନ୍ତା ରେ ଝାଟିମାଟି ଘରେ ପଡ଼ିରହି ଛଟପଟ ହେଉଥିବା ବେଳେ ସରକାରୀ ସହାୟତା ପାଇଁ ଅନେଇ ବସିଛି | ତେବେ ସମାଜ ରେ ପ୍ରକାଶିତ ରିପୋର୍ଟ କୁ ଭିତ୍ତିକରି ବଡ଼ଗଡ଼ ଜିଲ୍ଲା ର ବିଜେପୁର ବ୍ଲକ ର ଜଣେ ସାମାଜିକ କର୍ମୀ ଦିବସ କୁମାର ସାହୁ ରାଜ୍ୟ ଶ୍ରମକମିଶନର ଙ୍କ ଦୃଷ୍ଟି ଆକର୍ଷଣ କରିବାରେ ଶ୍ରମକମିଶନର ଏନ . ତିରୁମାଲା ନାଇକ ଏକ ଟୁଇଟ ଯୋଗେ ଭାରତ ସରକାରଙ୍କ ବୈଦେଶିକ ମନ୍ତ୍ରଣାଳୟ ସହ ଯୋଗାଯୋଗ କରି ଖୁବ ଶୀଘ୍ର ରମେଶ ର ସବ କୁ ପରିବାର କୁ ହସ୍ତାନ୍ତର କରାଯିବ ବୋଲି ସୂଚନା ଦେଇଛନ୍ତି |
