ଜିଲ୍ଲା ସ୍ତରୀୟ ଭଲିବଲ୍ ଟୁର୍ଣ୍ଣାମେଣ୍ଟର ଶୁଭାରମ୍ଭ ।
!!! ଗଞ୍ଜାମ ଜିଲ୍ଲା ବେଗୁନିଆପଡା ରୁ ମୁନା ନାୟକଙ୍କ ରିପୋର୍ଟ !!!
ଏଥର ସମ୍ଭାଳ (ଗଞ୍ଜାମ) – ଗଂଜାମ ଜିଲ୍ଲା ବେଗୁନିଆପଡ଼ା ବ୍ଲକ ନିକଟସ୍ଥ କେ. ବରିଡ଼ା ଠାରେ ଜିଲ୍ଲାସ୍ତରୀୟ ଅମରେଶ୍ବର ଭଲିବଲ୍ ଟୁର୍ଣ୍ଣାମେଣ୍ଟ ଶୁଭ ଉଦ୍ଘାଟନ ହୋଇ ଯାଇଛି। ଏହି ଟୁର୍ଣ୍ଣାମେଣ୍ଟକୁ ବିଜୁ ଜନତା ଦଳର ଜିଲ୍ଲା ସଂପାଦକ ହର ପ୍ରସାଦ ସାହୁ ଉଦଘାଟନ କରିଥିବା ବେଳେ ସମ୍ମାନିତ ଅତିଥି ଭାବେ ସ୍ଥାନୀୟ ସରପଞ୍ଚ ଚିତ୍ରସେନ ନାୟକ, ସୁନୀଲ କୁମାର ରଥ ପ୍ରମୁଖ ଉପସ୍ଥିତ ଥିଲେ। ଗ୍ରାମାଞ୍ଚଳର କ୍ରୀଡା ବିକାଶ ଦିଗରେ ସରକାର ବହୁ ପଦକ୍ଷେପ ନେଉଥିବା ବେଳେ ଏହି ଖେଳରେ ଯୋଗ ଦେଇଥିବା ସମସ୍ତ ଖେଳାଳି ବନ୍ଧୁତ୍ବପୂର୍ଣ୍ଣ ବାତାବରଣ ମଧ୍ୟରେ ଖେଳିବାକୁ ଶ୍ରୀ ସାହୁ ପରାମର୍ଶ ଦେଇଥିଲେ । ସେହିପରି ପ୍ରତି ଟିମ୍ ଗୁଡିକ ହାର୍ ଜିତ୍ ଅପେକ୍ଷା ଭାଇଚାରା ବଜାୟ ରଖି ଖେଳନ୍ତୁ ବୋଲି ଶ୍ରୀ ରଥ କହିଥିଲେ । ଏହି ଜିଲ୍ଲା ସ୍ତରୀୟ ଭଲିବଲ୍ ଟୁର୍ଣ୍ଣାମେଣ୍ଟ କେ. ବରିଡ଼ା ଗ୍ରାମବାସୀଙ୍କ ସହଯୋଗରେ ଆୟୋଜିତ ହେଉଥିବା ବେଳେ ଆସନ୍ତା ୨ ଫେବ୍ରୁଆରୀ ଯାଏଁ ଏହି ମ୍ଯାଚ ଚାଲିବାର କାର୍ଯ୍ୟକ୍ରମ ରହିଛି। ଉଦଘାଟନୀ ମ୍ଯାଚରେ ବ୍ରହ୍ମପୁର ହରିଡ଼ାଖଣ୍ଡି ସହ ମୋହନା ଟିମ୍ ଖେଳିଥିବା ବେଳେ ହରିଡା ଖଣ୍ଡି ଟିମ୍ ବିଜୟୀ ହୋଇଥିଲା ।