!!! କନ୍ଧମାଳ ଜିଲ୍ଲା ରାଇକିଆ ରୁ ନୃସିଂହ ଚରଣ ଦାସ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ରାଇକିଆ) – ସରକାରୀ କର୍ମଚାରୀ ଲୋକ ଙ୍କ କଥାଶୁଣୁନାହାନ୍ତି ।ଦୁର୍ନୀତି ଗ୍ରସ୍ତ କର୍ମଚାରୀ ଙ୍କ ଅସାଧୁ ମେଣ୍ଟ ଲାଗି ଉନ୍ନୟନ ମୂଳକ କାର୍ଯ୍ୟ ଆଗେଇ ପାରୁନି। ହିତାଧିକାରୀ ନାହିଁ ନଥିବା ହଇରାଣ ହେଉଛନ୍ତି ବୋଲି ସାଧାରଣରେ ଅଭିଯୋଗ ଉଠି ଲୋକଙ୍କ ପକ୍ଷରୁ ଧାରଣା ଦିଆଯାଉଥିବା ନଜିର ରହିଛି । କିନ୍ତୁ ରାଇକିଆ ବ୍ଲକ ମାନିକେଶ୍ଵସର ପଂଚାୟତ କଡିଙ୍ଗିଆ ଗ୍ରାମ୍ ରେ ଏହାର ଓଲଟା ଦୃଶ୍ୟ ଦେଖିବାକୁ ମିଳିଛି ।ଏଠାରେ ହିତାଧିକରି ଶୁଣିଲେନି ବୋଲି ବିଡ଼ିଓ ଏବଂ ପଂଚାୟତ ଅଫିସର ଧାରଣାରେ ବସିଥିଲେ ।ସୂଚନା ଅନୁଯାୟୀ ମାନିକେଶ୍ୱର ପଂଚାୟତ ର୍ ସନ୍ଦୀପ ନାୟକ ଓ ପ୍ରଦୀପ ନାୟକ ଙ୍କୁ ୨୦୧୮-୨୦୧୯ ଆର୍ଥିକ ବର୍ଷ ରେ ବିଜୁ ପକା ଘର ଯୋଜନା ରେ ପ୍ରଥମେ ୨୦,୦୦୦,ପରେ ୩୫,୦୦୦ ଟଙ୍କା ପ୍ରଦାନ କରାଯାଇଥିଲେ ସୁଦ୍ଧା ଘର କାମ ସରିନଥିବା ଦେଖିବାକୁ ମିଲିଥିଲା।ବିଡ଼ିଓ ପ୍ରବୀଣ କୁମାର ବାଣୁଆ ସେମାନଙ୍କୁ ବାରମ୍ବାର ଅନୁରୋଧ କରିଥିଲେ ସୁଦ୍ଧା କୌଣସି ସୁଫଳ ମିଲିନଥିଲା। ଯାହା ଫଳ ରେ ବିଡ଼ିଓ ସନ୍ଦୀପ ଓ ପ୍ରଦୀପ ଙ୍କ ଘର ସାମ୍ନା ରେ ପଂଚାୟତ ର ସମସ୍ତ କର୍ମଚାରୀ ଙ୍କୁ ନେଇ ଧାରଣା ରେ ବସିଥିଲେ।ଖୁବ ଶୀଘ୍ର ଘର କାମ ସାରିବାକୁ ଉଭୟ ହିତାଧିକରି ଲିଖିତ ପ୍ରତିଶୃତି ଦେବା ପରେ ବିଡ଼ିଓ ଧାରଣା ରୁ ଉଠିଥିଲେ।ଏ ନେଇ ବିଡ଼ିଓ କହିଛନ୍ତି ଯେ ସେମାନେ କିଭଳି ଘର କାମ ସାରି ଭଲ ପରିବେଶ ରେ ରହି ପାରିବେ ସେ ଦିଗ ରେ ଏହା ଆମରି ଏଜ ଅଭିନବ ପ୍ରୟାସ ।ବି ଡି ଓ ଙ୍କ ଏଭଳି ପ୍ରୟାସ କୁ ବୁଦ୍ଧିଜୀବୀ ମହଲରେ ଭୁୟସୀ ପ୍ରଶଂସା କରାଯାଇଛି।
