କାଳିଆ ପାଇଁ ଥିବା ପଥର ଲୁଟ୍ କରି ଧରା ପଡ଼ିଗଲେ ।
ଏଥର ସମ୍ଭାଳ ବ୍ୟୁରୋ (ଭୂବନେଶ୍ବର): ଶ୍ରୀମନ୍ଦିର ପାଇଁଉଦ୍ଦିଷ୍ଟ ପଥର ଖଣିରୁ ଲୁଟ୍ ବେଳେ ଚଢ଼ାଉ। ବିପୁଳ ପରିମାଣର ମୂଲ୍ୟବାନ ପଥର ଜବତ। ଖୋର୍ଦ୍ଧା ଜଙ୍କିଆ ଥାନା ହାଡ଼ପଦାରେ ଥିବା ସଂରକ୍ଷିତ ବଉଳମାଳା ପଥର ଖଣିରୁ ବେଧଡ଼କ୍ ପଥର ଚୋରି ନେଇ ପୁଲିସ ଖବର ପାଇଥିଲା। ଏହି ଆଧାରରେ ଶ୍ରୀମନ୍ଦିର ପ୍ରଶାସନ ଉପସ୍ଥିତିରେ ପୁଲିସ ଓ ଜିଲ୍ଲା ପ୍ରଶାସନ ପକ୍ଷରୁ ଚଢ଼ାଉ କରାଯାଇଥିଲା। ବେଆଇନଭାବେ ଚାଲୁଥିବା ୬ଟି ପଥର କଟିଂ ୟୁନିଟରୁ ବିପୁଳ ପରିମାଣର ମୂଲ୍ୟବାନ ପଥର ଜବତ ହୋଇଛି। ଶ୍ରୀମନ୍ଦିର ପାଇଁ ଆବଶ୍ୟକ ହେଉଥିବା ପଥରକୁ ଉତ୍ତୋଳନ କରି ଏଠାରୁ ରାଜ୍ୟ ବାହାର ଏପରିକି ବିଦେଶକୁ ମଧ୍ୟ ଚୋରା ଚାଲାଣ କରାଯାଉଥିଲା । ପ୍ରାୟ ଏହି ପଥରର ମୂଲ୍ୟ କୋଟି କୋଟି ଟଙ୍କା ହେବ ବୋଲି ଅନୁମାନ କରାଯାଉଛି।