!!! ଗଜପତି ଜିଲ୍ଲା ରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପାରଳାଖେମୁଣ୍ଡି) – ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଠାରେ ପ୍ରତି ବର୍ଷ ଭଳି ଏହିବର୍ଷ ଆଡମ୍ବର ସହକାରେ ଜିଲ୍ଲାର ଗଣପର୍ବ ଗଜପତି ମହୋତ୍ସବ ପାଳନ କରିବାକୁ ସମସ୍ତ ପ୍ରକାର ଆୟୋଜନ ସରିଥିବା ବେଳେ ହଠାତ ଗଜପତି ମହାରାଜ ଶ୍ରୀ ଶ୍ରୀ ଗୋପୀନାଥ ଗଜପତିଙ୍କ ବିୟୋଗ ସମସ୍ତ ଆୟୋଜକ ଙ୍କୁ ଫିକା କରୁଦେଇଛି । ମହାରାଜଙ୍କ ମୃତ୍ୟୁର ଖବର ଜିଲ୍ଲାରେ ଶୋକର ଛାୟା ଖେଳିଯାଇଛି। ମହାରାଜଙ୍କ ମୃତ୍ୟୁ ଯୋଗୁଁ ଗଜପତି ମହୋତ୍ସବକୁ ବନ୍ଦ କରିବା ନିମନ୍ତେ ଦାବୀ ଉଠିଛି ।ଏନେଇ ସ୍ଥାନୀୟ ଜିଲ୍ଲାପାଳ ଅନୁପମ ଶାହା ଙ୍କ ଅଧ୍ୟକ୍ଷତାରେ ସଦ୍ଭାବନା ଗୃହ ଠାରେ ଏକ ଜରୁରୀକାଳୀନ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ସ୍ଥାନୀୟ ଜନସାଧାରଣ, ବୁଦ୍ଧିଜୀବି, ଏସ୍. ପି ସରା ଶର୍ମା, ସାଂସଦ ଚନ୍ଦ୍ର ଶେଖର ସାହୁ ,ବିଧାୟକ କେ. ନାରାୟଣ ରାଓ ଯୋଗଦେଇଥିଲେ । ମହାରାଜଙ୍କ ମୃତ୍ୟୁ କୁ ସମ୍ମାନ ଜଣାଇ ଗଜପତି ଉତ୍ସବ କୁ ନିରାଡ଼ମ୍ବର ରେ ପାଳନ କରିବା ନିମନ୍ତେ ସର୍ବସମ୍ମତି କ୍ରମେ ସ୍ଥିର କରାଯାଇଛି । ମହୋତ୍ସବ ନିମନ୍ତେ ଆୟୋଜିତ ବ୍ୟବସାୟ ଷ୍ଟଲ ଗୁଡିକରେ ଜିଲ୍ଲା ବାହାରୁ ଆସିଥିବା ବ୍ୟବସାୟୀ ମାନେ ଡେରା ପକାଇ ସାରିଥିବାରୁ ସେମାନଙ୍କର ବ୍ୟବସାୟରେ କ୍ଷତି ନହେବା ନିମନ୍ତେ କେବଳ ପଲ୍ଲିଶ୍ରୀ ମେଳାର ଆୟୋଜନ କରାଯିବାର ସ୍ଥିର କରାଯାଇଛି। କିନ୍ତୁ ଏହି ଦିନ ଗୁଡିକରେ ହେବାକୁ ଥିବା ସମସ୍ତ ସଂସ୍କୃତିକ କାର୍ଯ୍ୟକ୍ରମ କୁ ସମ୍ପୂର୍ଣ୍ଣ ରୂପେ ବନ୍ଦ କରିଦିଆଯାଇଛି ।ଗଜପତି ମହୋତ୍ସବ ନିମନ୍ତେ ଜିଲ୍ଲା ବାହାରୁ ନିମନ୍ତ୍ରିତ କରାଯାଇଥିବା ସମସ୍ତ ସାଂସ୍କୃତିକ ଦଳକୁ ବାତିଲ କରାଯାଇଛି ।
