!!! ଗଜପତି ଜିଲ୍ଲା ରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପାରଳାଖେମୁଣ୍ଡି) – ଶେଷରେ ଆଖି ବୁଜିଦେଇଛନ୍ତି ପାରଳା ଗଜପତି ତଥା ପୂର୍ବତନ ସାଂସଦ ଗୋପୀନାଥ ଗଜପତି ନାରାୟଣ ଦେଓ ଭୁବନେଶ୍ୱର ର ଏକ ଘରୋଇ ହସ୍ପିଟାଲରେ ୭୬ ବର୍ଷ ବୟସରେ ତାଙ୍କ ଦେହାନ୍ ହୋଇଥିବା ଜଣାପଡିଛି | ଦୀର୍ଘ ଦିନ ଧରି ଗଜପତି ମହୋଦୟ ଅସୁସ୍ଥ ଥିଲେ ଓ ହୃଦରୋଗ ଜନିତ ସମସ୍ୟା ପାଇଁ ଚିକିତ୍ସିତ ଥିଲେ | ବହୁଦିନ ଧରି ସେ ଚେନ୍ନାଇରେ ଚିକିତ୍ସାଧିନ ଥିବା ବେଳେ ତାଙ୍କୁ ଭୁବନେଶ୍ୱରର ଏକ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା | ସେଠାରେ ସେ ଆଜି ଶେଷ ନିଃଶ୍ୱାସ ତ୍ୟାଗ କରିଥିବା ତାଙ୍କ ମ୍ୟାନେଜର ଦେଇଥିବା ସୂଚନାରୁ ଜଣାପଡିଛି | ସୂଚନାଯୋଗ୍ୟ ଯେ ମାର୍ଚ୍ଚ ୬, ୧୯୪୩ରେ ଜନ୍ମିତ ଗଜପତି ମହୋଦୟ ନବମ ଓ ଦଶମ ଲୋକସଭାରେ ସଂସଦ ଥିଲେ | କଂଗ୍ରେସ ଦଳ ଟିକଟରେ ସେ ବ୍ରହ୍ମପୁର ନିର୍ବାଚନ ମଣ୍ଡଳୀରୁ ଦୁଇଥର ସଂସଦ ଭାବେ ନିର୍ବାଚିତ ହୋଇଥିବା ବେଳେ ପରେ ସେ ଭାରତୀୟ ଜନତା ପାର୍ଟି ଓ ପରେ ବିଜୁ ଜନତା ଦଳରେ ଯୋଗ ଦେଇଥିଲେ |
ବିଜେପିର ଶୋକ
ପାରଳାଖେମୁଣ୍ଡି ମହାରାଜା ଗୋପୀନାଥ ଗଜପତିଙ୍କ ବିୟୋଗରେ ରାଜ୍ୟ ସଭାପତି ବସନ୍ତ ପଣ୍ଡା, ବିରୋଧୀ ଦଳ ନେତା ପ୍ରଦୀପ୍ତ ନାଏକ, ପୂର୍ବତନ ବିଧାୟକ ଦଳ ନେତା କନକ ବର୍ଦ୍ଧନ ସିଂହଦେଓ, ସାଂସଦ ସଂଗୀତା କୁମାରୀ ସିଂହଦେଓ ପ୍ରମୁଖ ଗଭୀର ଶୋକବ୍ୟକ୍ତ କରିଛନ୍ତି । ଅମର ଆତ୍ମାର ସଦଗତି କାମନା କରିବା ସହ ଶୋକସନ୍ତପ ପରିବାରବର୍ଗଙ୍କୁ ସମବେଦନା ଜ୍ଞାପନ କରିଛନ୍ତି ।
ତାଙ୍କ ଶେଷକୃତ୍ୟ ନିଜସ୍ୱ ଗ୍ରାମ ପାରଳାଖେମୁଣ୍ଡି ଠାରେ ହେବା ସୂଚନା ମିଳିଛି।ଏଭଳି ଶୋକାକୁଳ ପରିବେଶରେ ଗଜପତି ମହୋତ୍ସବ କୁ ସ୍ଥଗିତ ରଖିବା ନିମନ୍ତେ ସାଧାରଣରେ ଦାବୀ ହେଉଛି ।
