ନିଦ ହେଉନି କି, ଖାଆନ୍ତୁ ଏହି ଫଳ
ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର): ସମସ୍ତଙ୍କ ରୋଷେଇ ଘରେ ଜାଇଫଳ ଦେଖିବାକୁ ମିଳିଥାଏ। ଏହା କେବଳ ଖାଇବାକୁ ସ୍ୱାଦିଷ୍ଟ କରି ନଥାଏ, ଏଥିରେ ଔଷଧୀୟ ଗୁଣ ମଧ୍ୟ ରହିଛି। ତା’ହେଲେ ଆସନ୍ତୁ ଜାଣିବା ଜାଇଫଳରେ କେଉଁସବୁ ସ୍ୱାସ୍ଥ୍ୟ ଉପକାରୀ ଗୁଣ ରହିଛି।
୧. ଅନିଦ୍ରା ସମସ୍ୟା ବା ଇସୋମୋନିଆ ଦୂର କରିବା ପାଇଁ ଜାଇଫଳ ଲାଭଦାୟକ। ଏହି ରୋଗ ହେଲେ ରାତିରେ ନିଦ ହୁଏନି। ଏଥିପାଇଁ ଦୈନନ୍ଦିନ ଭୋଜନରେ ଜାଇଫଳ ସାମିଲ କରନ୍ତୁ।
୨. ଜାଇଫଳରେ କ୍ୟାନସର୍ ପରି ରୋଗ ସହିତ ଲଢ଼ିବା ପାଇଁ ଶକ୍ତି ରହିଛି।
୩. ଜାଇଫଳ ଖାଇବା ଦ୍ୱାରା ଶରୀରରେ ସେରେଟୋନିନ୍ ହର୍ମୋନର ଉତ୍ପାଦନ ବୃଦ୍ଧି ହୋଇଥାଏ। ଏହି ହରମୋନ୍ ଶରୀର ଓ ମସ୍ତିଷ୍କକୁ ଶାନ୍ତି ରଖିବା ପାଇଁ ସାହାଯ୍ୟ କରିଥାଏ। ଏହାଦ୍ୱାରା ନିଦ ଭଲ ହୋଇଥାଏ।
୪. ଆଣ୍ଠୁଗଣ୍ଠି ରୋଗ ପାଇଁ ପାଇଁ ଜାଇଫଳ ଖା’ନ୍ତୁ। ଯଦି ଆପଣ ବି ଆଣ୍ଠୁଗଣ୍ଠି ରୋଗରେ ପୀଡ଼ିତ ଅଛନ୍ତି, ତା’ହେଲେ ଖାଦ୍ୟରେ ଜାଇଫଳ ସାମିଲ କରନ୍ତୁ। ଏଥିରେ ଥିବା ଆଣ୍ଟି-ଇନ୍ଫ୍ଲାମେଣ୍ଟାରୀ ଗୁଣ ଆଣ୍ଠୁଗଣ୍ଠି ରୋଗ ପାଇଁ ଭଲ।
୫. ପେଟଜନିତ ସମସ୍ୟା ପାଇଁ ମଧ୍ୟ ଜାଇଫଳ ଭଲ। ଅଧିକ ତେଲ ମସଲାଜାତୀୟ ଖାଦ୍ୟ ପାଚନତନ୍ତ୍ରକୁ ପ୍ରଭାବିତ କରିଥାଏ। ତେଣୁ ଜାଇଫଳ ଖାଇବାଦ୍ୱାରା ଡାଇରିଆ ଓ ଏସିଡ଼ିଟି ଭଳି ସମସ୍ୟାରୁ ମୁକ୍ତି ମିଳିଥାଏ।
୬. ଜାଇଫଳରେ କ୍ୟାଲସିୟମ୍, ଆଇରନ୍, ମ୍ୟାଗ୍ନେସିୟମ୍, ମିନେରାଲ୍, ପୋଟାସିୟମ୍ ପରି ନ୍ୟୁଟ୍ରିଏଣ୍ଟସ୍ ରହିଛି ଓ ଏସବୁ ରକ୍ତ ସଞ୍ଚାଳନକୁ ଠିକ୍ ରଖିଥାଏ।