ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର): ଡିସେମ୍ବର ୨୫ ରାତି। ନୀଳ ରଙ୍ଗର ଟ୍ରାକ୍ଟର ଟାଣିଟାଣି ଆଣୁଛି ଲାଲ ରଙ୍ଗର ଭଙ୍ଗା ଦଦରା କାର। କାର୍ଟିକୁ ଟାଣି ଟାଣି ଅଣାଯାଇ ଡିପିସି ଅଫିସ ସାମ୍ନାରେ ରଖାଯାଇଥିଲା । ଡିସେମ୍ବର ୨୬। ନବରଙ୍ଗପୁରରେ କଂଗ୍ରେସ ବନ୍ଦ ପାଳନ। ପେଟ୍ରୋଲ ଓ ଡିଜେଲ ପ୍ରସ୍ତୁତ ରଖ । କହିଲେ ଜାଳିବ । ସେହି ଦିନ ଏହି କାରାରେ କେହିଁ ଦୁର୍ବୃତ୍ତ ନିଆଁ ଲଗାଇ ଦେଲେ। ଏହି ତିନିଟି ଘଟଣା ମଧ୍ୟରେ ଲିଙ୍କ୍ କଣ? ପ୍ରଦୀପ ମାଝୀଙ୍କ ଡ୍ରାମା କି? କୋଷାଗୁମୁଡା ଘଟଣାକୁ ନେଇ ହେଉଥିବା ଆନ୍ଦୋଳନକୁ ଲୋକ ଦେଖାଣିଆ କରିବାକୁ ଏପରି କରାଯାଇ ଥିଲା କି। ଯେଉଁ ଗାଡିର କିଏ ମାଲିକ ନାହାନ୍ତି, ପରିତ୍ୟକ୍ତ ପଡି ରହିଥିଲା ତାକୁ ଆଣି ରଖାଯାଇଥିଲା। ଆନ୍ଦୋଳନ ତୀବ୍ର ହୋଇଥିବା ଦର୍ଶାଇବାକୁ ନିଆଁ ଲଗାଯାଇଥିଲା କି। ଏହି ସିସିଟିଭି ଫୁଟେଜ୍ ଏବେ ସବୁ ଗୁମର ଖୋଲିଛି। ସେହି ଦିନ ହାଇଡ୍ରାମ ହୋଇଥିଲା। ଚର୍ଚ୍ଚା ହେଉଛି ପରଦା ପଛରେ ଡ୍ରାମା ମାଷ୍ଟର ଥିଲେ ପ୍ରଦୀପ ମାଝୀ।
