!!! କନ୍ଧମାଳ ଜିଲ୍ଲା ରୁ ଜିଲ୍ଲା ସ୍ୱତନ୍ତ୍ର ପ୍ରତିନିଧି ମିଲନ କହଁର ଓ ଫୁଲବାଣୀ ଉପଖଣ୍ଡ ପ୍ରତିନିଧି ସୁକାନ୍ତ ବେହେରା ଙ୍କ ରିପୋର୍ଟ !!!
ଏଥର ସମ୍ଭାଳ (କନ୍ଧମାଳ) – କନ୍ଧମାଳ ଜିଲ୍ଲା ଫୁଲବାଣୀ ରୁ ୧୪ କିଲୋମିଟର ଦୂରରେ ଅବସ୍ତିତ ପ୍ରସିଦ୍ଧ ପର୍ଯ୍ୟଟନ ସ୍ଥଳ ପୁତୁଢ଼ୀ ଜଳପ୍ରପାତ । ଏହି ଜଳ ପ୍ରପାତ ଦେଖିବା ପାଇଁ ବାହାର ଜିଲ୍ଲା ରୁ ହଜାର ହଜାର ସଂଖ୍ୟା ରେ ପର୍ଯ୍ୟଟକ ଆସିଥାନ୍ତି। କନ୍ଧମାଳ ଜିଲ୍ଲା ରେ ବର୍ତ୍ତମାନ ଶୀତ ର ଲହରୀ ଖେଳିଉଠୁଥିବା ବେଳେ ବାହାରୁ ବହୁତ ଲୋକ ଗାଡି ନେଇ ନିଜ ପରିବାର ସହ ଏହି ସ୍ଥାନ କୁ ପିକନିକ କରିବା ପାଇଁ ସୁଅ ଛୁଟି ଆସିବା ଦେଖିବାକୁ ମିଳିଛି । କିନ୍ତୁ ଆଜି ଯାଏଁ ଏହି ଜାଗା କୁ ଯିବା ପାଇଁ ସଠିକ ରାସ୍ତାଟିଏ ନିର୍ମାଣ ହୋଇପାରିନି। ତେଣୁ ପର୍ଯ୍ୟଟକ ମାନେ ଏଠାକୁ ଆସି ବହୁ ସମସ୍ୟା ର ସମ୍ମୁଖୀନ ହେଉଛନ୍ତି। ଏହି ରାସ୍ତା ଟି ରେ ପ୍ରତିଦିନ ତାଜରିପଢା, ବୁଢ଼ାଦାନୀ , ଗାନିମାସ୍କା, ଗୁଜୁନ୍ଧ୍ରାଗାଁ, ଶାଶାକାରା ଓ ପୁତୁଡି ଗ୍ରାମ ର ୯୦୦ ରୁ ଉର୍ଦ୍ଧ ଲୋକ ଯାତାୟାତ କରୁଛନ୍ତି। ଏପଟେ ପର୍ଯ୍ୟଟକ ଙ୍କ ଅସୁବିଧା କୁ ଦେଖି ନପାରି ଗ୍ରାମବାସୀ ବହୁତ ଦୁଃଖ ଅନୁଭବ କରିବା ସହ ଏହି ରାସ୍ତା ଟି ଯଥା ଶୀଘ୍ର କରିବା ପାଇଁ ଅଭିଯୋଗ କରିଛନ୍ତି। ଏହି ରାସ୍ତା ଟି ହେଲେ ପର୍ଯ୍ୟଟକ ଙ୍କ ସହ ସେମାନେ ବି ଉପକୃତ ହେଇ ପାରିବେ ବୋଲି ଗ୍ରାମବାସୀ କହିଛନ୍ତି। ଏଥିପ୍ରତି ଜିଲ୍ଲା ପ୍ରଶାସନ ଓ ପର୍ଯ୍ୟଟନ ବିଭାଗ ଏହି ପର୍ଯ୍ୟଟନ ସ୍ଥଳ ଉପରେ ଦୃଷ୍ଟି ଦେବା ସହ ଏଠାରେ ଉପୁଜୁଥିବା ସମସ୍ୟା ଗୁଡ଼ିକର ତୁରନ୍ତ ସମାଧାନ କରିବା ପାଇଁ ସାଧାରଣ ରେ ଦାବୀ ହେଉଛି।
