!!! ଢେଙ୍କାନାଳ ରୁ ଜିଲ୍ଲା ପ୍ରତିନିଧି ଦେବାଶିଷ ପଟ୍ଟନାୟକ ଙ୍କ ରିପୋର୍ଟ !!!
ଏଥର ସମ୍ଭାଳ (ଢେଙ୍କାନାଳ) – ଢେଙ୍କାନାଳ GMR କମଳାଙ୍ଗ ଏନର୍ଜି ପ୍ରାଇଭେଟ୍ ଲିମିଟେଡ କମ୍ପାନୀ ସମ୍ମୁଖରେ କଣ୍ଟ୍ରାକ୍ଟର ମାନଙ୍କର ଅନିର୍ଦ୍ଦିଷ୍ଟ କାଳ ପାଇଁ ଧାରଣା । ଦୀର୍ଘ ବର୍ଷ ଧରି ବକେୟା ଟଙ୍କା ନ ମିଳିବାରୁ ଧାରଣାକୁ ଓହ୍ଲାଇଛନ୍ତି ପ୍ରାୟ ୫୦ ଜଣରୁ ଅଧିକ କଣ୍ଟ୍ରାକ୍ଟର ସାମୁହିକ ଭାବରେ ଧାରଣାରେ ବସିଛନ୍ତି। ସମସ୍ତ କଣ୍ଟ୍ରାକ୍ଟର ମାନଙ୍କର ପ୍ରାୟ ୧୮୦ କୋଟି ଟଙ୍କା ବକେୟା ଥିବା ସେମାନେ ଅଭିଯୋଗ କରିଛନ୍ତି । ଇତି ମଧ୍ୟରେ GMR କମ୍ପାନୀକୁ JSW ହାତକୁ ଟେକି ଦିଆଯାଉଥିବା ବେଳେ ବାରମ୍ଵାର ଜିଲ୍ଲା ପ୍ରଶାସନକୁ ଜଣାଇବା ପରେ ମଧ୍ୟ କୌଣସି ସୁଫଳ ମିଳୁ ନ ଥିବା ଅଭିଯୋଗ ହୋଇଛି। ଦାବୀ ପୂରଣ ନ ହେଲେ କଣ୍ଟ୍ରାକ୍ଟର ମାନେ ବିଧାନ ସଭା ଘେରାଉ କରିବା ସହିତ ଆତ୍ମାହୁତି ଦେବେ ବୋଲି ଧମକ ଦେଇଛନ୍ତି। ଏ ସମ୍ପର୍କରେ କମ୍ପାନୀ କର୍ତ୍ତୃପକ୍ଷ ଙ୍କୁ ପଚାରିବାରୁ ସେ କ୍ୟାମେରା ସାମ୍ନାରେ କୌଣସି ପ୍ରତିକ୍ରିୟା ଦେବ ନାହିଁ ବୋଲି ମନା କରି ଦେଇଛନ୍ତି।
