ଡିସେମ୍ବର ୧୪ରେ ଦିଲ୍ଲୀ ଠାରେ କଂଗ୍ରେସର ଭାରତ ବଞ୍ଚାଓ ସମାବେଶ…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – କେନ୍ଦ୍ର ବିଜେପି ସରକାରଙ୍କର ଶାସନରେ ଆଜି ଜନସାଧାରଣ ଅତିଷ୍ଠ ହେଲେଣି । ଉକ୍ରଟ ବେକାରୀ ସମସ୍ୟା, ଚରମ ଆର୍ଥିକ ମାନ୍ଦାବସ୍ଥା, ନିତ୍ୟ ବ୍ୟବହାର୍ଯ୍ୟ ଦ୍ରବ୍ୟର ଅହେତୁକ ମୂଲ୍ୟ ବୃଦ୍ଧି, ଚାଷୀର ଉତ୍ପାଦିତ ଦ୍ରବ୍ୟର ଅଭାବୀ ବିକ୍ରୀ ବିରୁଦ୍ଧରେ ନିଖିଳ ଭାରତ କଂଗ୍ରେସ କମିଟି ପକ୍ଷରୁ ଅନୁଷ୍ଠିତ ହେବାକୁ ଥିବା ‘ଭାରତ ବଂଚାଓ ସମାବେଶ’ ନଭେମ୍ବର ୩୦ ପରିବର୍ତେ ଡିସେମ୍ବର ୧୪ ତାରିଖ ଦିନ ଦିଲ୍ଲୀର ‘ରାମଲୀଳା ମଇଦାନ’ ଠାରେ ଅନୁଷ୍ଠିତ ହେବ ବୋଲି ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ନିରଞ୍ଜନ ପଟ୍ଟନାୟକ ଜଣାଇଛନ୍ତି ।ସେହିପରି ଓଡିଶା ପ୍ରଦେଶ କଂଗ୍ରେସ କମିଟି ପକ୍ଷରୁ ଆସନ୍ତା ୨୩ ତାରିଖ ଶନିବାର ଦିବା ୧୨ ଘଂଟା ସମୟରେ ଭୁବନେଶ୍ୱର ଲୋୟର ପିଏମଜି ଠାରେ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ବିରୁଦ୍ଧରେ ଏକ ପ୍ରତିବାଦ ସଭା ଅନୁଷ୍ଠିତ ହେଉଅଛି । ଏହି ଉଭୟ କାର୍ଯ୍ୟକ୍ରମରେ କଂଗ୍ରେସ ନେତୃବୃନ୍ଦ, କର୍ମୀ ଓ ଜନସାଧାରଣ ବିପୁଳ ସଂଖ୍ୟାରେ ଯୋଗ ଦେବା ପାଇଁ ଶ୍ରୀ ପଟ୍ଟନାୟକ ଅନୁରୋଧ କରିଛନ୍ତି ।