ମାତାରବନମ୍ ପକ୍ଷରୁ କୋଟିଏ ମହାମନ୍ତ୍ର ପୁସ୍ତକ ଲୋକାର୍ପିତ ; ସାମ୍ବାଦିକ ଓ ପ୍ରଚାର ସମ୍ମାନିତ ।
!!! ରାୟଗଡ଼ା ଜିଲ୍ଲା ଗୁଣପୁର ରୁ ଜିଲ୍ଲା ସ୍ୱତନ୍ତ୍ର ପ୍ରତିନିଧି ଦୀପକ କୁମାର ବେହେରା ଙ୍କ ରିପୋର୍ଟ !!!
ଏଥର ସମ୍ଭାଳ (ଗୁଣପୁର) – ଗୁଣପୁର ବ୍ଲକ ଜଗନ୍ନାଥପୁର ଗ୍ରାମ ପଞ୍ଚାୟତ ସ୍ଥିତ ରାଇଗୁଡ଼ା ମାତାର ବନମ୍ ମନ୍ଦିର ଠାରେ ମାତାର ବନମ୍ ଭକ୍ତ ଙ୍କ ପକ୍ଷରୁ ଏକ କୋଟି ମହାମନ୍ତ୍ର ଲେଖାଯାଇଥିବା ପୁସ୍ତକ କୁ ଅକ୍ଷର ବ୍ରହ୍ମ ଠାକୁର ଙ୍କ ନିକଟରେ ସମର୍ପଣ କରାଯାଇଛି। ଏହି ଅବସରରେ ରାଇଗୁଡ଼ା ଠାରେ ଅନୁଷ୍ଠିତ ଏକ ଭକ୍ତ ସମାଗମ ରେ ପୁସ୍ତକ ଉନ୍ମୋଚନ କରାଯାଇ ଏହାର ପ୍ରଚାରକ କାମେସୁ ମାଡ଼ିଆରି ଓ ଦିଗାଲ ଗମାଙ୍ଗ ଙ୍କୁ ସମ୍ମାନୀତ କରାଯାଇଥିବା ସହ ଅଞ୍ଚଳର ବରିଷ୍ଠ ସାମ୍ବାଦିକ ସୋମେଶ୍ଵର ରାଓ ଓ ରାଧାକୃଷ୍ଣ ପଟ୍ଟନାୟକ ଙ୍କୁ ସମ୍ମାନିତ କରାଯାଇଥିଲା। ଅକ୍ଷର ବ୍ରହ୍ମ ଯୁବ ନିର୍ମାଣ ସେବା ସଂଘ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ପୂର୍ବତନ ବିଧାୟକ ରାମମୂର୍ତ୍ତୀ ଗମାଙ୍ଗ, ସ୍ଥାନୀୟ ସରପଞ୍ଚ ଗୌରୀ ଗମାଙ୍ଗ, ଆଇନଜୀବୀ ଗୌରୀ ଶଙ୍କର ଦାଶ, ପୂଜକ ନିମାଲା ମାସେୟା ଅତିଥି ଭାବେ ଯୋଗଦେଇ ଥିଲେ। ସୌରା ଭାଷାର ଏହି ଲିପି ୧୯୩୬ ମସିହା ରୁ ଜନ୍ମିତ ହୋଇଥିବା ବେଳେ ଏହା ଆଜି ଯାଏଁ ସରକାର ଙ୍କ ଦୃଷ୍ଟି ଆଢୁଆଳ ରେ ରହିଥିବା ନେଇ ଏହି ଅବସରରେ ଆୟୋଜିତ ସଭାରେ କ୍ଷୋଭ ପ୍ରକାଶ କରାଯାଇଥିଲା। ଆଗାମୀ ଦିନରେ ଏହି ଲିପି କୁ ପ୍ରତ୍ୟକ ବିଦ୍ୟାଳୟ ରେ ପ୍ରଚ଼ଳନ କରିବା ନିମନ୍ତେ ସେବା ସଂଘ ପକ୍ଷରୁ ପ୍ରଚାରକ ନିଯୁକ୍ତି କରାଯିବ ବୋଲି ସ୍ଥିର କରାଯାଇଛି। ଆନ୍ଧ୍ର ଓ ଓଡ଼ିଶା ର ସୀମାନ୍ତ ଅଞ୍ଚଳରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବାରୁ ଉଭୟ ରାଜ୍ୟରୁ ଶହସ୍ରାଧିକ ଆଦିବାସୀ ଏଥିରେ ଯୋଗଦେଇ ସୌରା ଭାଷା ର ଏହି ଲିପିର ପ୍ରଚାର ପାଇଁ ସରକାର ଦାୟିତ୍ଵ ଗ୍ରହଣ କରନ୍ତୁ ବୋଲି ଦାବୀ କରିଛନ୍ତି।