!!! ଏଥର ସମ୍ଭାଳ ବ୍ୟୁରୋ ଚିଫ୍ ସିଦ୍ଧାର୍ଥ ଦାଶ ଙ୍କ ରିପୋର୍ଟ !!!
ଏଥର ସମ୍ଭାଳ (ଗୁଣପୁର) – ରାୟଗଡ଼ା ଜିଲ୍ଲା ଗୁଣୁପୁର ଉପଜିଲ୍ଲାପାଳ ବଂଶଧାରା ନଦୀ ପଠା ରୁ କରାଯାଉଥିବା ବେଆଇନ ବାଲି ଚାଲାଣ ଉପରେ ଚଢ଼ାଉ କରି ୬୫ ହଜାର ଟଙ୍କା ଜରିମାନା ଆଦାୟ କରିବା ସହ ୩ ଟି ଟିପ୍ପର ଓ ୪ ଟି ଟ୍ରାକ୍ଟର କୁ ଜବତ କରି କାର୍ଯ୍ୟାଳୟ କୁ ନେଉଥିବା ବେଳେ ସେଥିରୁ ଗୋଟିଏ ଟିପ୍ପର ଚମ୍ପଟ ମାରିଛି । ଉକ୍ତ ଗାଡି ବିରୋଦ୍ଧ ରେ ପଦକ୍ଷେପ ନେବାକୁ ଜିଲ୍ଲା ଆର.ଟି.ଓ ଙ୍କୁ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ କହିଥିବା ସୂଚନା ମିଳିଛି । ବର୍ତ୍ତମାନ ଏଠାରେ ପ୍ରଶ୍ନ ଉଠୁଛି ଉପ ଜିଲ୍ଲାପାଳ ଘଟଣା ସ୍ଥଳ ରେ ପହଁଚିବା ପୁର୍ବରୁ ବାଲି ଉଠାଣ କାର୍ଯ୍ୟରେ ନିୟୋଜିତ ଥିବା ଜେସିବି ଟି ବାଲି ପଠା ରୁ କେମିତି ଉଭାନ ହେଲା ? ଜେସିବି ଟି ସ୍ଥାନୀୟ ଜଣେ ଇଟା ଭାଟି କଣ୍ଟ୍ରାକ୍ଟର ଙ୍କ ଦ୍ଵାରା ପରିଚାଳିତ ବୋଲି କୁହାଯାଉଛି । ଏହା ତଦନ୍ତ ସାପେକ୍ଷ । ଉପ ଜିଲ୍ଲାପାଳ ଘଟଣା ସ୍ଥଳ କୁ ପହଁଚିବା ଆଗରୁ ସ୍ଥାନୀୟ ତହସିଲ କତ୍ତୃପକ୍ଷ ଙ୍କୁ ଏ ନେଇ ଅବଗତ କରାଇଥିବା ହେତୁ ଅତିରିକ୍ତ ତହସିଲଦାର ଏନେଇ ଜେସିବି ମାଲିକ ଙ୍କୁ ସୂଚନା ଦେଇଥିବା ଯୋଗୁଁ ଏଠାରୁ ଜେସିବି କୁ ହଟାଇ ଦିଆଯାଇଥିବା ଅଭିଯୋଗ ହେଉଛି । ଏଣୁ ତଦନ୍ତ ବେଳେ ଗୁଣୁପୁର ର ଅତିରିକ୍ତ ତହସିଲଦାର ଙ୍କ ମୋବାଇଲ କଲ ରେକର୍ଡ ଯାଞ୍ଚ କରିବା ନିମନ୍ତେ ଦାବି ହେଉଛି । ତଦନ୍ତ ରେ ଜଣାଯିବ କିଏ ସାତ କିଏ ସତର । ବାଲି ଟେଣ୍ଡର ମାଲିକ ଏବଂ ତହସିଲ ବିଭାଗ କର୍ମଚାରୀ ଙ୍କ ମଧ୍ୟରେ ରହିଥିବା ମଧୁଚନ୍ଦ୍ରିକା ଯୋଗୁଁ ଏଭଳି ବେଆଇନ କାର୍ଯ୍ୟ ଚାଲୁରହୁଥିବା ଏବଂ ସରକାର ଙ୍କ ପରିଚାଳିତ ଦୁର୍ନୀତି ଖୋର ଙ୍କୁ କାବୁ କରିବା ସହ ଦୁର୍ନୀତି ହଟାଅ ଅଭିଯାନ ଯୋଜନା ଫେଲ ମାରୁଥିବା ସାଧାରଣ ରେ ଚର୍ଚ୍ଚା ଜୋର ଧରିଛି ।