!!! ଚକାପାଦ ବ୍ଲକ ପତିନିଧି ସୁନୀଲ ଦିଗାଲ୍ ଙ୍କ ରିପୋର୍ଟ !!!
ଏଥର ସମ୍ଭାଳ (ବାଲିଗୁଡା) – ଭାରତ ସ୍ୱାଧୀନତା ର ଅନେକ ବର୍ଷ ବିତିଯାଇଥିବା ବେଳେ କନ୍ଧମାଳ ଜିଲ୍ଲା ଚକାପାଦ ବ୍ଲକ ଚାହାଳି ପଞ୍ଚାୟତ ଏବଂ କନ୍ଧମାଳ ଜିଲ୍ଲା ରେ ଏମିତିବି ଗ୍ରାମ ପଞ୍ଚାୟତ ରହିଅଛି ଯେଉଁଠି ସ୍ୱାସ୍ଥ୍ୟ, ଗମନା ଗମନ ରେ ଏଯାବତ କୌଣସି ସୁବିଧା ସୁଯୋଗ ନାହିଁ । ଚାହାଳି ଗ୍ରାମ ପଞ୍ଚାୟତ ନିଘଞ୍ଚ ଜଙ୍ଗଲ ପାହାଡ଼ ଘେରା ମଧ୍ୟରେ ଅବସ୍ଥିତ । ଏହି ପଞ୍ଚାୟତ କୁ ଯିବା ପାଇଁ ରାସ୍ତା ଖଣ୍ଡିଏ ବି ନାହିଁ । ଗ୍ରାମବାସୀ ନିଜ ନିତ୍ୟାନ୍ତ ଆବଶ୍ୟକତା ଥିବାରୁ ଏକ ମାଟି ରାସ୍ତା ର ନିର୍ମାଣ କରିଥିଲେ ଯାହାକି ବର୍ତ୍ତମାନ ବହୁତ ସୋଚନୀୟ ଅବସ୍ଥା ରେ ରହିଅଛି । ଏହି ପଞ୍ଚାୟତ ବାସୀ ଙ୍କୁ ପିଇବା ପାଣି ପାଇଁ ୨ ଟି କୂଅ ଉପରେ ନିର୍ଭର କରିବାକୁ ପଡେ । ସ୍ୱାସ୍ଥ୍ୟ କଥା ନ କହିବା ଭଲ । ଏଠାରେ ରୋଗୀ ଙ୍କ ଚିକିତ୍ସା ନିମନ୍ତେ ଏକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଟିଏ ମଧ୍ୟ ନାହିଁ । ଯଦି କାହାର ଦେହ ଖରାପ ହୁଏ ତେବେ ଏଠାରୁ ୧୫ କିମି ଦୁର ବ୍ରମହୁଣିପଦ ଯିବାକୁ ପଡିଥାଏ । ସରକାର ଙ୍କ ପକ୍ଷରୁ ପିଇବା ନିମନ୍ତେ ଗ୍ରାମ ରେ ପାଣି ଟାଙ୍କି ର ନିର୍ମାଣ ହୋଇଥିଲେ ମଧ୍ୟ ସେଠାରେ ଟ୍ୟାପ୍ ରୁ ପାଣି ଆସୁନଥିବା ଅଭିଯୋଗ ହେବା ପରେ ସ୍ଥାନୀୟ ବିଡ଼ିଓ ଙ୍କୁ ଅବଗତ କରାଯାଇଥିଲେ ମଧ୍ୟ ବିଡ଼ିଓ ମୋହଦୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବା ଦୁଃଖ ର ବିଷୟ ପାଲଟିଛି । ପଞ୍ଚାୟତ ର ବିଭିନ୍ନ ସ୍ଥାନ ରେ ବିଦ୍ୟୁତ ସଂଯୋଗ ନିମନ୍ତେ ବିଦ୍ୟୁତ ଖୁଣ୍ଟ ମାନ ବସା ଯାଇଥିଲେ ମଧ୍ୟ ବିଦ୍ୟୁତିକରଣ ହୋଇନଥିବା ଦେଖିବାକୁ ମିଳୁଛି । ସରକାର ଙ୍କ ପକ୍ଷରୁ ଆସୁଥିବା ସମସ୍ତ ଯୋଜନା ଏଠି ବାଟ ମାରଣା ହେଉଥିବା ଏବଂ କାର୍ଯ୍ୟରତ କର୍ମଚାରୀ ଙ୍କ ବେପରୁଆ ମନଭାବ ନିମନ୍ତେ ଗ୍ରାମ ବାସୀ ନାହିଁ ନଥିବା ଅସୁବିଧା ର ସମ୍ମୁଖିନ ହେଉଥିବା ଅଭିଯୋଗ କରିଛନ୍ତି ।
