!!! ରାୟଗଡ଼ା ଜିଲ୍ଲା ରୁ ରାୟଗଡ଼ା ବ୍ଲକ ପ୍ରତିନିଧି ଆମାସା ହେପୁରୁକା ଙ୍କ ରିପୋର୍ଟ୍ !!!
ଏଥର ସମ୍ଭାଳ (ରାୟଗଡ଼ା) – ରାୟଗଡ଼ା ସହରର କପିଳାସ ରୋଡ୍ର ଷ୍ଟାଇଲ ବଜାର ନିକଟରେ କିଛିଦିନ ହେବ ବେଆଇନ ଭାବେ ସରକାରୀ ଜାଗାରେ ପ୍ରାୟ ୮୦ ଲକ୍ଷ ବ୍ୟୟରେ ଏକ ଦୋକାନ ଗୃହ ନିର୍ମାଣ କରାଯାଇଛି । ଗତକାଲି ଶୁଭାରମ୍ଭ ପାଇଁ ପ୍ରସ୍ତୁତି ଚାଲିଥିବା ବେଳେ କଂଗ୍ରେସ କର୍ମୀ ଏବଂ କେତେକ ଲୋକ ଯାଇ ମାଲିକଙ୍କୁ ଦୋକାନର କାଗଜପତ୍ର ମାଗିଥିଲେ। ମାତ୍ର ସେ ଦେଇ ନ ପାରିବାରୁ ଉଭୟ ଦୋକାନୀ ଏବଂ ସାଧାରଣ କର୍ମୀଙ୍କ ମଧ୍ୟରେ ପାଟିତୁଣ୍ଡ ଉଗ୍ର ରୂପ ନେଇ ହାତାହାତି ହୋଇଥିଲେ। କଂଗ୍ରେସ କର୍ମୀଙ୍କ କହିବା ଅନୁଯାୟୀ, କାଗଜପତ୍ର ମାଗିବାରୁ ମାଲିକଙ୍କ ପୁଅ ଦୁର୍ବ୍ୟବହାର କରିବା ଦ୍ଵାରା ଏହାର ପ୍ରତିବଦଳରେ ସାଧାରଣ ଜନତା ମଧ୍ୟ ମାରପିଟ୍ କରିବା ସହ ଦୋକାନରେ ତାଲା ପକାଇ ଥିଲେ। କଂଗ୍ରେସ ଜିଲା ସଭାପତି ଦୁର୍ଗା ପଣ୍ଡା କହିଛନ୍ତି, ସରକାରୀ ଜାଗାରେ ଥିବା ନିରୀହ ଲୋକଙ୍କୁ ଉଚ୍ଛେଦ କାରାଯାଇ ରାଜରାସ୍ତାରେ ରଖାଯାଉଛି। ଧନିକମାନେ ସରକାରୀ ଅଫିସରମାନଙ୍କୁ ଲାଞ୍ଚ ଦେଇ ବେଆଇନ ଭାବେ କୋଠା ନିର୍ମାଣ କରୁଛନ୍ତି। ଏଥିରେ ପ୍ରଶାସନ ଚୁପ୍ ବସିଛି। ଅନ୍ୟପକ୍ଷରେ ଦୋକାନୀ ମାଲିକ ନୀଳ କଣ୍ଠେଶ୍ୱର ରାଓ କହିଛନ୍ତି, ବିଶାଖାପାଟଣାରେ ଜରୁରୀ କାଗଜପତ୍ର ଛାଡ଼ି ଆସିଛନ୍ତି। ଦୁଇ ଦିନ ସମୟ ଦେଲେ ସମସ୍ତ କାଗଜପତ୍ର ଦେଖାଇପାରିବେ।
