ମଣିଷ ଭିତରେ ଭଲ ମଣିଷ ଟେ ନାଜୁର ସାହେବ…!

!!! କନ୍ଧମାଳ ଜିଲ୍ଲା ବାଲିଗୁଡ଼ା ରୁ ଉପଖଣ୍ଡ ପ୍ରତିନିଧି ମିଲନ କହଁର ଙ୍କ ରିପୋର୍ଟ୍ !!! ଏଥର ସମ୍ଭାଳ (ଘୁ ଉଦୟଗିରି) – ଆଜିବି ଭଲ ମଣିଷ ଅଛନ୍ତି। ଯାହାଙ୍କୁ କୌଣସି ଲୋଭ ଗ୍ରାସ କରିପାରିନି। ଏହି ଭଳି ଜଣେ ବ୍ୟକ୍ତିତ୍ୱ ହେଉଛନ୍ତି ଘୁ ଉଦୟଗିରି ସହର ୱାର୍ଡ ନମ୍ବର ୫ ଅନ୍ତର୍ଗତ କ୍ଲବ ସାହିର ବାସିନ୍ଦା ଏମ୍. ଡି ନାଜୁର ସାହେବ । ସ୍ଥାନୀୟ ଅଞ୍ଚଳ ରେ ସାହେବ ନାମରେ ସେ ବେଶ୍ ପରିଚିତ। ବୟସ ୮୦ ଛୁଇଁ ଲାଣି। ନିଜର ରହିଥିବା ସାଇକେଲ ମରାମତି ଦୋକାନ ରେ ନିଜେ ପରିଶ୍ରମ ଆଦାୟ ଅର୍ଥ ରେ ନିଜ ଦୈନିକ ଗୁଜୁରାଣ ମେଣ୍ଟାଇଥାନ୍ତି।ଅଭାବ ଲାଗିଥିଲେ ମଧ୍ଯ ତାଙ୍କୁ ଲୋଭ ଗ୍ରାସ କରି ପାରିନି। ଗତ ୨ ଦିନ ତଳେ ସ୍ଥାନୀୟ ଆହାର କେନ୍ଦ୍ର ସମ୍ମୁଖରୁ ଶ୍ରୀ ସାହେବ ଏକ ମନୀପର୍ସ ପାଇଥିଲେ । ଯେଉଁ ଥିରେ ୩ହଜାର ଟଙ୍କା, ଏ ଟି ଏମ ଓ କିଛି ଜରୁରୀ କାଗଜପତ୍ର ଥିଲା । ସେ ପାଇଥିବା ସରହି ମନୀପର୍ସ ଟି କଚେରୀ ସାହିର ଜଣେ ବରିଷ୍ଠ ନାଗରିକ ଶତ୍ରୁଘ୍ନ ବେହେରାଙ୍କ ବୋଲି ଜାଣିବା ସଙ୍ଗେ ସଙ୍ଗେ ସେ ତାଙ୍କ ଘରକୁ ଯାଇ ମନୀପର୍ସ ଟି ଫେରାଇ ଦେଇଥିଲେ । ଆଜିର ସମାଜରେ ଟଙ୍କା ପାଇଁ ମଣିଷ ଭୁଲ କାମ କରିବାକୁ ପଛାଉ ନଥିବା ବେଳେ,ଶ୍ରୀ ସାହେବଙ୍କ ଏଭଳି ମହନୀୟ କାର୍ଯ୍ୟ ସମାଜ ପାଇଁ ଏକ ଉଦାହରଣ ବୋଲି ସ୍ଥସନୀୟ ବୁଦ୍ଧିଜୀବୀ ମତପ୍ରକାଶ କରିବା ସହ ଶ୍ରୀ ସାହେବଙ୍କୁ ପ୍ରଶଂସା କରିଛନ୍ତି ।