!!! କନ୍ଧମାଳ ଜିଲ୍ଲା ବାଲିଗୁଡ଼ା ରୁ ଉପଖଣ୍ଡ ପ୍ରତିନିଧି ମିଲନ କହଁର ଙ୍କ ରିପୋର୍ଟ୍ !!!
ଏଥର ସମ୍ଭାଳ (ବାଲିଗୁଡ଼ା) – ମଜୁରିଆ ଯୁବତୀ ଙ୍କୁ ପ୍ରଲୋଭନ ଦେଖାଇ ଶାରୀରିକ ସମ୍ପର୍କ ରଖିଥିବା ଅଭିଯୋଗ ର ବିଚାର କରି ବାଲିଗୁଡ଼ା ଏସ୍.ଡି.ଜେ.ଏମ୍ ସୌମ୍ଯ ସ୍ଵରୂପ ସାହୁ ଅଭିଯୁକ୍ତ ବିରୂପାକ୍ଷ ଦଣ୍ଡିଆ ଙ୍କୁ ୬ ମାସ କାରାଦଣ୍ଡାଦେଶ ସହ ୨୦୦୦/- ଟଙ୍କା ଜରିମାନା ରେ ଦଣ୍ଡିତ କରିଛନ୍ତି। ୨୦୦୩ ମସିହାରେ ସାରଙ୍ଗଗଡ଼ ଥାନା ଗୁଟିଙ୍ଗିଆ ଗ୍ରାମ ର ବିରୁପାକ୍ଷ ଦଣ୍ଡିଆ ଉକ୍ତ ଗ୍ରାମ ର ଜଣେ ଦିନ ମଜୁରିଆ ଯୁବତୀ ଙ୍କୁ ପ୍ରଲୋଭନ ଦେଖାଇ ଶାରୀରିକ ସମ୍ପର୍କ ରଖିଥିବା ନେଇ ପରିବାର ପକ୍ଷରୁ ଏତଲା ପାଇବା ପରେ ସରାଙ୍ଗଗଡ଼ ଥାନା କେସ ନମ୍ବର ୧୮୯/୨୦୦୩ କ୍ରମେ କେସ ରୁଜୁ କରାଯାଇଥିଲା। ଏହି ମାମଲାର ବିଚାର କରି କୋର୍ଟ ଏଭଳି ରାୟ ଦେଇଥିବା ଜଣା ପଡିଛି। ସରକାର ଙ୍କ ତରଫରୁ ଓକିଲ ଅବନୀ କୁମାର ପଟ୍ଟନାୟକ ଏହି ମାମଲା କୁ ପରିଚାଳନା କରିଥିଲେ।
