!!!କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍!!!
!!!ଏଥର ସମ୍ଭାଳ (କଳାହାଣ୍ଡି) – କଳାହାଣ୍ଡି ର ଇଷ୍ଟଦେବୀ ମାଁ ମାଣିକେଶ୍ଵରୀ ଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ପ୍ରବଳ ସମାଗମ ରେ ଚଳଚଞ୍ଚଳ ହୋଇ ଉଠିଛି ସହର। ମାନସିକ ଧାରୀ ମାନେ ଦେବୀ ଙ୍କ ଉଦ୍ଦେଶ୍ଯ ରେ ବଳି ଅର୍ପଣ କରିଛନ୍ତି। ରକ୍ତ ରଞ୍ଜିତ ହୋଇ ଉଠିଛି ରାଜପଥ। ମାଁ ମାଣିକେଶ୍ଵରୀ ଛତର ବିଜୟ ଯାତ୍ରା ମାଧ୍ୟମରେ ବର୍ଷ କୁ ଥରେ ଭକ୍ତ ଓ ଶ୍ରଦ୍ଧାଳୁ ଙ୍କୁ ଦର୍ଶନ ଦେଇଥାନ୍ତି। ଭବାନୀପାଟଣା ସ୍ଥିତ ରାଜ ବାଟିରେ ରହିଥିବା ଭବ୍ୟ ମନ୍ଦିର ରୁ ମାଁ ପାର୍ବଣ ରୁତୁ ର ଅଷ୍ଟମୀ ଦିନ ନିଶାର୍ଦ୍ଧରେ ଦେବୀ ଜେନା ଖାଲ କୁ ଯାଇଥାନ୍ତି। ସେଠାରେ ଗୁପ୍ତ ପୂଜାବିଧି ସମ୍ପନ୍ନ ହେବା ପରେ ପ୍ରାତଃ କାଳରେ ସେଠାରୁ ନିଜ ମନ୍ଦିର କୁ ପ୍ରତ୍ୟାଗମନ କରନ୍ତି। ଏହି ସମୟରେ ମାଁ ଙ୍କ ଦର୍ଶନ ନିମିତ ରାସ୍ତା ର ଦୁଇ ପାର୍ଶ୍ୱରେ ହାଜର ହାଜର ଜନତା ଚାତକ ପରି ଅପେକ୍ଷା କରି ରହିଥାନ୍ତି। ମାଁ ମାଣିକେଶ୍ଵରୀ ଙ୍କ ଛତର ଯାତ୍ରା ର ସାଂସ୍କୃତିକ ବିଭବ ଏହାର ଗାରିମାକୁ ଅଧିକ ରୁଦ୍ଧିମନ୍ତ କରି ଗଢ଼ି ତୋଳିଥାଏ। ବିଭିନ୍ନ ବେଶ ପୋଷାକ ରେ ତଥା ବିଚିତ୍ର ଭଙ୍ଗି ରେ ସଜ୍ଜିତ ହୋଇ କଳାକାର ମାନେ ଦର୍ଶକ ଙ୍କ ମନ ମୋହିବାରେ ସକ୍ଷମ ହୋଇଥାନ୍ତି। ବିନା ବାଧା ବିଘ୍ନ ରେ କିଭଳି ମାଁ ଙ୍କ ଯାତ୍ରା ସମ୍ପନ୍ନ ହେବ ସେଥି ପାଇଁ ଚଳିତ ବର୍ଷ କଳାହାଣ୍ଡି ଏସ୍.ପି ଙ୍କ ପ୍ରତ୍ଯକ୍ଷ ତତ୍ବାବଧାନରେ ୧୦ ପ୍ଲାଟୁନ୍ ପୋଲିସ ଫୋର୍ସ ମୁତୟନ ହୋଇଛନ୍ତି।
