!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଗୋଲାମୁଣ୍ଡା) – ଶିକ୍ଷାକୁ ସାର୍ବଜନୀନ କରିଵା ଉଦ୍ଦେଶ୍ୟରେ ସରକାର ସର୍ବଶିକ୍ଷା ଅଭିଯାନ ମାଧ୍ୟମରେ ବିପୁଳ ଆର୍ଥ ଖର୍ଚ୍ଚ କରୁଛନ୍ତି। କିନ୍ତୁ ଏମିତି ଏକ ବିଦ୍ୟାଳୟ ରହିଛି ଯେଉଁଠିକି ଯିବାକୁ ବିଦ୍ୟାର୍ଥୀ ପାରି ହେବାକୁ ପଡୁଛି ଏକ ଚୀର ଖର ସ୍ରୋତା ନାଳ । ଗୋଳାମୁଣ୍ଡା ବ୍ଲକର ଗଣ୍ଡାମେର ଠରେ ରହିଥିବା ହାସିନିନାଳ ରେ ବର୍ଷର ଅନେକ ସମୟରେ ପାଣି ଭରି ରହୁଥିବାରୁ ଅବିଭାବକ ମାନେ ସେମାନଙ୍କ ପିଲା ଙ୍କୁ କାନ୍ଧରେ ବସାଇଏହି ନାଳ ପାର କରିବାକୁ ପଡିଥାଏ ।ପୁଣି ପିଲାଙ୍କ ଆସିବା ବାଟକୁ ଜଗି ରହିବାକୁ ପଡିଥାଏ ଅବିଭାବକଙ୍କୁ । ଏମିତିକି ନାଳ ପାରି ହେବାକୁ ଦଉଡ଼ି ର ସାହାଯ୍ୟ ନେବାକୁ ପଡିଥାଏ ।ଭତ୍ତା ଆଣିବା ଲାଗି ବୟୋଜ୍ୟେଷ୍ଠ ଙ୍କୁ ଏବଂ ଚିକିତ୍ସା ପାଇଁ ରିଗୀଙ୍କୁ ଏହି ନାଳ ପାର ହେବାକୁ ପଡିଥାଏ । ଆମ ଗାଁ ଆମ ବିକାଶ ନାମରେ ସରକାର ଡିଣ୍ଡିମ ପିଟି ବୁଲୁଥିବା ବେଳେ ଗ୍ରାମବାସୀଙ୍କ ଏହି ମୌଳିକ ସମସ୍ୟା ପ୍ରତି ବିଧାୟକ କିମ୍ବା ପ୍ରଶାସକ ଦୃଷ୍ଟି ଦେଉନଥିବା ଗୋଳମୁଣ୍ଡା ବ୍ଳକ ଉପାଦ୍ଧକ୍ଷ ମମତା ରାଉତ ଅଭିଯୋଗ କରିଛନ୍ତି । ଯଥାଶୀଘ୍ର ଏହି ନାଳ ଉପରେ ଏକ ସ୍ଥୟୀ ପୋଲ ନିର୍ମାଣ କରିବା ନିମନ୍ତେ ଅଞ୍ଚଳ ବାସୀ ଦାବୀ କରିଛନ୍ତି ।
