!!! ରାୟଗଡ ଜିଲ୍ଲା ସ୍ବତନ୍ତ୍ର ପ୍ରତିନିଧି ଦୀପକ କୁମାର ବେହେରା ଙ୍କ ରିପୋର୍ଟ !!!
ଏଥର ସମ୍ଭାଳ (ଗୁଣପୁର) – ରାୟଗଡ ଜିଲ୍ଲା ଗୁଣପୁର ବ୍ଲକ ରେଗେଡା ସ୍ଥିତ ଗାୟତ୍ରୀ ଏମ ବି ଏ ଓ ଫାର୍ମାସି ଶିକ୍ଷାନୁଷ୍ଠାନ ପରିସର ରେ ଜାତିର ପିତା ମହାତ୍ମା ଗାନ୍ଧୀ ଙ୍କ ର ୧୫୦ ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି । ଅନୁଷ୍ଠାନ ର ପ୍ରଶାସନିକ ଅଧିକାରୀ ଶ୍ରୀଯୁକ୍ତ ପି ଭି କୋଟେସ୍ୱର ରାଓ ଙ୍କ ସଭାପତିତ୍ୱ ରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ଜି ଆଇ ସି ଏମ ଏସ୍ ର ଅଧକ୍ଷ ଶ୍ରୀ ଧବଳେଶ୍ବର ପଟ୍ଟନାୟକ , ଜି ଆଇ ଏସ୍ ଟି ର ଅଧକ୍ଷ ଶ୍ରୀ ଜଗଦୀଶ ଖୁଣ୍ଟିଆ ଗାନ୍ଧୀ ଙ୍କ ସ୍ମୃତି ଚାରଣ କରିଥିଲେ । ଏହା ସହ ପ୍ଲାଷ୍ଟିକ ଓ ପଲିଥିନ ବର୍ଜନ କରିବା ଦିଗ ରେ ସମସ୍ତ ଙ୍କୁ ସଚେତନ କରାଇଥିଲେ ।
ସେହିପରି ଗୁଣପୁର ସ୍ଥିତ ଗାୟତ୍ରୀ ଯୁକ୍ତ ଦୁଇ ବିଜ୍ଞାନ ମହାବିଦ୍ୟାଳୟ ର ସଭାକକ୍ଷ ଠାରେ ମହାତ୍ମାଗାନ୍ଧୀଙ୍କ ୧୫୦ ତମ ଜନ୍ମ-ବାର୍ଷିକୀ ପାଳନ ହୋଇଯାଇଛି । ଏହି ଅବସର ରେ ଛାତ୍ର ଛାତ୍ରୀ ମାନଙ୍କ ମଧ୍ୟରେ ବକ୍ତୁତା ପ୍ରତିଯୋଗିତା ମହାବିଦ୍ୟାଳୟ ର ପ୍ରିନ୍ସପାଲ ସ୍ୱରୀ ଅରୁଣ କୁମାର ପାଢ଼ୀ ଙ୍କ ଅଧକ୍ଷତା ରେ ଅନୁଷ୍ଠିତ ହୋଇଯାଇଛି ।
ଅନୁଷ୍ଠାନ ର ରସାୟନ ବିଜ୍ଞାନ ଅଧ୍ୟାପିକା ସୁଶ୍ରୀ ପଲ୍ଲବୀ ପ୍ରିୟଦର୍ଶନୀ ପାତ୍ର କାର୍ଯ୍ୟକ୍ରମ ର ସ୍ବାଗତ ଭାଷଣ ପ୍ରଦାନ କରିବା ସଙ୍ଗେ ସଙ୍ଗେ କାର୍ଯ୍ୟକ୍ରମର ଆଭିମୁଖ୍ୟ ଓ ଜାତିର ପିତା ମହାତ୍ମାଗାନ୍ଧୀଙ୍କ ସମ୍ପର୍କରେ ସୂଚନା ପ୍ରଦାନ କରିଥିଲେ ।
ଗାୟତ୍ରୀ ଯୁକ୍ତ ଦୁଇ ବିଜ୍ଞାନ ମହାବିଦ୍ୟାଳୟ ର ପ୍ରିନ୍ସିପାଲ ଶ୍ରୀ ଅରୁଣ କୁମାର ପାଢ଼ୀ ନିଜ ଅଭିଭାଷଣରେ ସ୍ୱଚ୍ଛତା , ପରିବେଶ ସୁରକ୍ଷା , ଜାତିପ୍ରଥା ତଥା ଗାନ୍ଧୀ ଙ୍କୁ ଅନୁସରଣ କରି ଜୀବନ ରେ ଆଗେଇ ଯିବାକୁ ଛାତ୍ର ଛାତ୍ରୀ ମାନଙ୍କୁ ପ୍ରାଞ୍ଜଳ ଭାବରେ ବୁଝାଇଥିଲେ ।
ଅନ୍ୟ ମାନଙ୍କ ମଧ୍ୟରେ ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ସମସ୍ତ ଅଧ୍ୟାପକ ଓ ଅଧ୍ୟାପିକା ଯୋଗଦେଇ ମହାତ୍ମାଗାନ୍ଧୀଙ୍କ ସ୍ମୃତି ଚାରଣ କରିଥିଲେ ।
ଶେଷରେ ଅନୁଷ୍ଠାନ ର ଗଣିତ ଅଧ୍ୟାପକ ଶ୍ରୀ ସିମନ୍ ଶବର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
