ଏଥର ସମ୍ଭାଳ (ବରଗଡ) – ପଦ୍ମପୁର ଉପଖଣ୍ଡ କପିସିଲା ଗ୍ରାମ ରେ ଲଗାଯାଇଥିବା ଷ୍ଟ୍ରିଟ ଲାଇଟ ଗୁଡିକ ର ଆର୍ଥିଙ୍ଗ ଠିକ ଭାବରେ ନ ହୋଇଥିବାରୁ ଖୋଲାରେ ବିଦ୍ୟୁତ ପାସ ହେଉଛି। ଏଣୁ ଆଜି ସକାଳୁ କପିସିଲା ଗ୍ରାମର ରାଜୁ ରଣାଙ୍କ ଗାଈ ଚରିବା ପାଇଁ ଯାଉ ଥିବା ବେଳେ ବର୍ଷା ପାଣି ଯୋଗୁ ଏହି ବିଦ୍ୟୁତ ଖୁଣ୍ଟର ସଂସ୍ପର୍ଶ ରେ ଆସି ଯାଇଥିଲେ। କୌଣସି ମତେ ଦୁଇଟି ଗାଈ ଙ୍କୁ ରକ୍ଷା କରିଥିଲେ ମଧ୍ୟ ଆଉ ଗୋଟିଏ ଗାଈର ଘଟଣା ସ୍ଥଳରେ ମୃତ୍ୟୁ ହୋଇଥିଲା। ଏଣୁ ଏହି ଖୁଣ୍ଟ ବିଷୟରେ ବାରମ୍ବାର ବିଦ୍ୟୁତ ବିଭାଗକୁ ଅଭିଯୋଗ କଲେ ମଧ୍ୟ କେହି ଶୁଣୁ ନାହାନ୍ତି ବୋଲି କହିଛନ୍ତି ଗ୍ରାମବାସୀ। ଏହା ସହ ଆଜି ପଶୁର ଯେପରି ଦୁର୍ଦ୍ଦଶା ହୋଇଛି କାଲି ଯଦି କୌଣସି ମଣିଷର ହୁଏ ତେବେ ଦାୟିତ୍ବ କାହାର ହେବ ବୋଲି ଯୁକ୍ତି ବଢ଼ିଛନ୍ତି ଗ୍ରାମବାସୀ।
