!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!
ଏଥର ସମ୍ଭାଳ (କଳାହାଣ୍ଡି) -ସରକାର ଙ୍କ ଦ୍ଵାରା ପ୍ରଚଳିତ ନୂତନ ମୋଟର ଯାନ ଆଇନ କୁ ଲୋକାଭିମୁଖୀ କରିବା ଉଦ୍ଦେଶ୍ୟରେ ଭବାନୀପାଟଣା ପୋଲିସ ପକ୍ଷରୁ ଛାତ୍ର ଛାତ୍ରୀ ଙ୍କୁ ନେଇ ଏକ ସଚେତନତା ଶୋଭାଯାତ୍ରା ର ଆୟୋଜନ କରାଯାଇଥିଲା । ଶୋଭା ଯାତ୍ରୀ ମାନେ ବ୍ରଜ ମୋହନ ହାଇସ୍କୁଲ ଠାରୁ ବାହାରି ନଗର ପରିକ୍ରମା କରିଥିଲେ । ଦୁଇ ଚକିଆ ଗାଡି ଚାଳକ ମାନେ ହେଲମେଟ ପିନ୍ଧି ଓ ଚାରିଚାକିଆ ଗାଡିଚାଳକ ମାନେ ବେଲ୍ଟ ବାନ୍ଧି ଗାଡ଼ି ଚଳାଇବା,ଗାଡି ଚଳାଇବା ସମୟରେ ମୋବାଇଲ ବ୍ୟବହାର ନକରିବା ,ମଦ ପିଇ ଗାଡି ନଚଳାଇବା ନିମନ୍ତେ ଆହ୍ୱାନ ଦିଆଯାଇଥିଲା । ସ୍ଥାନୀୟ ଆଞ୍ଚଳିକ ପରିବହନ କାର୍ଯ୍ୟାଳୟ ସହ ଯୋଗାଯୋଗ କରି ଗାଡିର ନଥିପତ୍ର କରାଇନେବା ସହ ପଲ୍ୟୁସନ ସାର୍ଟିଫିକେଟ କରିବା ନିମନ୍ତେ ଏବଂ ନିଜର ୧୮ ବର୍ଷରୁ କମ ବୟସ ର ଶିଶୁଙ୍କୁ ଗାଡି ଚଳାଇବା ପାଇଁ ଦେଇ ଅଭିଭାବକ ମାନେ କରୁଥିବା ଭୂଲକୁ ସୁଧାରି ନେବା ପାଇଁ ଜନସାଧାରଣ ଙ୍କୁ ଅନୁରୋଧ କରାଯାଇଥିଲା । ନୂତନ ଆଇନ କୁ ଆଗାମୀ ତିନି ମାସ ନିମନ୍ତେ କୋହଳ କରାଯାଇ ଥିବା ସୂଚନା ଦିଆଯାଇ ଆଗାମୀ ଦିନରେ ଏହାର ଖିଲାପ କାରୀଙ୍କ ବିରୁଦ୍ଧରେ କଡ଼ା ଆଭିମୁଖ୍ୟ ଗ୍ରହଣ କରାଯିବ ବୋଲି ସତର୍କ କରାଯାଇଛି ।
