!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୂର୍ଗା ଙ୍କ ରିପୋର୍ଟ୍ !!!
ଏଥର ସମ୍ଭାଳ (ମ.ରାମପୁର) – କଳାହାଣ୍ଡି ଜିଲ୍ଲା ମ.ରାମପୁର ବ୍ଲକ ମୋହନଗିରି ଗ୍ରାମ ପଞ୍ଚାୟତ ର ଦେଉଲିଶୁଲିଆ ଗ୍ରାମବାସୀ ରାଜାରାମ ମାଝୀଙ୍କ ନାବାଳିକା ଝିଅ ଅନିତା ମାଝି ଜନ୍ମରୁ ବିକଳାଙ୍ଗ । ବିକଳାଙ୍ଗ ହେଲେବି ପରିବାର ବୋଝ ମୁଣ୍ଡଉଛି ଅନିତା । ଘରର ସମସ୍ତ ଘରକରଣା କାମ ଅନୀତା ଙ୍କୁ କରିବାକୁ ପଡୁଛି । ଏପରିକି ବାହାରକୁ ଯାଇ ସଉଦା ଆଣିବା ସହ ଅନ୍ୟ କାମ ତାକୁ ହିଁ କରିବାକୁ ପଡିଥାଏ । ଅନିତା ର ଯିବା ଆସିବା କରିବା ନିମନ୍ତେ ସରକାର ଙ୍କ ପକ୍ଷରୁ ଯେଉଁ ତିନି ଚକିଆ ସାଇକେଲ ଟିଏ ଦିଆଯାଇଥିଲା ତାହା ବର୍ତ୍ତମାନ ଭାଙ୍ଗି ନଷ୍ଟ ହୋଇଯାଇଛି । ପରିବାର ର ଅର୍ଥାଭାବ ଯୋଗୁଁ ସାଇକେଲ ଟିକୁ ସଜାଡ଼ି ବାରେ ବାଧା ଦେଉଛି । ଫଳରେ ସେ ରାଜରାସ୍ତାରେ ଗୁରୁଣ୍ଡି ହୋଇ ଯିବା ବ୍ୟତୀତ ଅନ୍ୟ ଉପାୟ ପାଇନି । ଅନିତା ସରକାରଙ୍କ ପକ୍ଷରୁ ସାଇକେଲ ଛଡ଼ା ଅନ୍ୟ କୌଣସି ସୁବିଧା ପାଇନଥିବା ଅଞ୍ଚଳବାସୀ କହିଛନ୍ତି । ସ୍ଥାନୀୟ ପ୍ରଶାସନ ତରଫରୁ ଅନିତାକୁ ସରକାର ଙ୍କ ସମସ୍ତ ସହାୟତା ଯୋଗାଇଦେବା ନିମନ୍ତେ ସାଧାରଣ ଦାବି ହେଉଛି ।
