ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ଅକ୍ଟୋବର ୨ ତାରିଖ ରୁ ମାନ୍ୟବର ମୁଖ୍ୟମନ୍ତ୍ରୀ ଆରମ୍ଭ କରିବାକୁ ଯାଉଛନ୍ତି ମୋ ସରକାର କାର୍ଯ୍ୟକ୍ରମ ।ଏହି କାର୍ଯ୍ୟକ୍ରମ ସମ୍ପର୍କରେ ଆଲୋକପାତ କରି ମୁଖ୍ୟମନ୍ତ୍ରୀ କହିଛନ୍ତି ରାଜ୍ଯ ରେ ଥିବା ବିଭିନ୍ନ ଥାନା କୁ ଆସୁଥିବା ଅଭିଯୋଗ କାରୀଙ୍କ ମଧ୍ୟରୁ ପ୍ରତିଦିନ ୧୦ ଜଣ ଙ୍କୁ ଫୋନ କରି ଅଭିଯୋଗ ଦେବାକୁ ଯିବା ସମୟରେ ସେମାନେ ଥାନା ରେ କିପରି ବ୍ୟବହାର ଓ ସେବା ପାଇଲେ ସେ ବିଷୟରେ ପଚାରି ବୁଝିବେ। ଏହା ପୁଣି କହିଛନ୍ତି, ଜନ ସାଧାରଣ ହେଉଛନ୍ତି ପ୍ରକୃତ ସରକାର । ମୋ ସରକାର (ନବୀନ ସରକାର) ହେଉଛି ଜନ ସାଧାରଣ ଙ୍କ ସରକାର। ସେମାନଙ୍କ ଅର୍ଥ ରେ ପ୍ରଶାସନ ଚାଲୁଛି, ପୋଲିସ ଷ୍ଟେସନ ଚାଲୁଛି। ତେଣୁ ସେମାନଙ୍କୁ ସମ୍ମାନର ସହିତ ବ୍ୟବହାର କରିବା ଆମର ନୈତିକ ଦାୟିତ୍ଵ।
କାର୍ଯ୍ୟକ୍ରମ ଆରମ୍ଭ ହେବା ପୂର୍ବରୁ ଏହା ପ୍ରତିଫଳିତ ହୋଇଛି ଗଜପତି ଜିଲ୍ଲା ପାରଳାଖେମୁଣ୍ଡି ସଦର ଠାରେ । ସ୍ଥାନୀୟ ଜୈନିକ ମହିଳା ଏକ ପାରିବାରିକ ଗଣ୍ଡଗୋଳ କୁ ନେଇ ଥାନାରେ ଏତଲା ଦେବା ପରେ ସ୍ଥାନୀୟ ଥାନା ରେ ରାଜ୍ୟରତ ଏ.ଏସ୍.ଆଇ ଜୈନିକ ମହିଳା ଏବଂ ତାଙ୍କ ସହ ଯାଇଥିବା ଘର ଭଡାଟିଆ ମହିଳା ଙ୍କୁ ଧମକ ଦେଇଥିବା ଏବଂ ଏକ ଘଣ୍ଟା ମଧ୍ୟରେ ଘର ଖାଲି ନକଲେ ଘର ର ଆସବାବ ପତ୍ର ବାହାରକୁ ଫୋପାଡି ଦେବି ବୋଲି କହିଥିବା ଅଭିଯୋଗ ନେଇ ସ୍ଥାନୀୟ ଜିଲ୍ଲା ଆରକ୍ଷୀ ଅଧିକ୍ଷକ ଙ୍କ କାର୍ଯ୍ୟାଳୟ କୁ ଯାଇଥିଲେ । ସେ ଏଠାରେ ଅଧୀକ୍ଷକ ଙ୍କୁ ଭେଟି ନପାରି ତାଙ୍କ ବାସଭବନ କୁ ଅଭିଯୋଗ ଦରଖାସ୍ତ ଦେବା ନିମନ୍ତେ ଯିବା ପରେ ମଧ୍ଯ ସାକ୍ଷାତ ନପାଇ ଫେରିବା ଫଳରେ ଅନଲାଇନ୍ ମାଧ୍ୟମରେ ଅଭିଯୋଗ କରିଥିଲେ। ଏହାକୁ ଭିତ୍ତି କରି ପୋଲିସ ପ୍ରଶାସନ ପକ୍ଷରୁ ଅଭିଯୋଗକାରୀ ଜୈନିକ ମହିଳା ଙ୍କ ନିକଟକୁ ଫୋନ ମାଧ୍ୟମରେ ଘଟଣା ସମ୍ପର୍କରେ ପଚାରି ବୁଝିଥିଲେ।
ମୁଖ୍ୟମନ୍ତ୍ରୀ ଙ୍କ ଦ୍ଵାରା ଆରମ୍ଭ ହେବାକୁ ଥିବା ମୋ ସରକାର କାର୍ଯ୍ୟକ୍ରମ ପୂର୍ବରୁ ବିଭାଗୀୟ କର୍ମକର୍ତ୍ତା ଙ୍କ ତତ୍ପରତା କୁ ସାଧାରଣ ରେ ଭୂୟସୀ ପ୍ରଶଂସା କରାଯାଇଛି। ଆଗାମୀ ଦିନରେ ଏହି କାର୍ଯ୍ୟକ୍ରମ ମାଧ୍ୟମରେ ଥାନା କୁ ଆସୁଥିବା ଅଭିଯୋଗକାରୀ ମାନଙ୍କୁ ଉତ୍ତମ ବ୍ୟବହାର ମିଳିବା ନେଇ ଆଶା ସଂଚାର ହୋଇଛି।
