ସର୍ବଭାରତୀୟ ଓପନ୍ କରାଟେ ଚାମ୍ପିୟନ ସିପରେ କଳାହାଣ୍ଡି ଖେଳାଳିଙ୍କୁ ୮ ଟି ପଦକ…!
!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକଙ୍କ ରିପୋର୍ଟ୍ !!!
ଏଥର ସମ୍ଭାଳ (କଳାହାଣ୍ଡି) – ଗତ ୨୩ ତାରିଖ ରୁ ୨୫ ତାରିଖ ପର୍ଯ୍ୟନ୍ତ ଭୁବନେଶ୍ଵର ରେଲୱେ ଇଣ୍ଡୋର୍ ଷ୍ଟାଡିୟମ୍ ଠାରେ ଦଶମ ସର୍ବଭାରତୀୟ ଓପନ୍ କରାଟେ ଚାମ୍ପିୟନ ସିପ୍ ଆୟୋଜିତ ହୋଇଥିଲା। ଏହି ପ୍ରତିଯୋଗୀତା ରେ କଳାହାଣ୍ଡି କରାଟେ ସଂଘ ସମ୍ପାଦକ ତଥା କୋଚ୍ କୃଷ୍ଣ ଚନ୍ଦ୍ର ସାହୁଙ୍କ ନେତୃତ୍ଵରେ କଳାହାଣ୍ଡି ଜିଲ୍ଲା ରୁ କରାଟେ ଖେଳାଳି ଅଂଶଗ୍ରହଣ କରିଥିଲେ। ସେମାନଙ୍କ ମଧ୍ୟରୁ ଲୋକେଶ ରଞ୍ଜନ ନିଆଲ ୯ ବର୍ଷରୁ କମ୍ ବାଳକ ବିଭାଗ କୁମିତେରେ ସ୍ଵର୍ଣ୍ଣ ପଦକ ହାସଲ କରିଥିବା ବେଳେ ଶୁଭ୍ରଜିତ୍ ରୌପ୍ୟ ପଦକ ଓ ଅଂଶୁମାନ କର ୧୧ ବର୍ଷ ବାଳକ ବିଭାଗରେ କାତାରେ ରୌପ୍ୟ ପଦକ, ୩୫ କେଜି ବାଳକ ବିଭାଗ କୁମିତେରେ କାଂସ୍ୟ ପଦକ ହାସଲ କରିଥିବା ବେଳେ ନିଖିଲ ପଣ୍ଡା ୧୨ ବର୍ଷ ୪୦ କେଜି ରୁ ଅଧିକ ବାଳକ ବିଭାଗ କୁମିତେରେ କାଂସ୍ୟ ପଦକ, ଭୂମିକଭାରଦ୍ଵାଜ ଭୋଇ ୮ ବର୍ଷ ବାଳକ ବିଭାଗ କୁମିତେରେ ରୌପ୍ୟ ପଦକ ଏବଂ କାତାରେ କାଂସ୍ୟ ପଦକ, ଆର୍. ନିଖିଲେଶ୍ ୧୧ ବର୍ଷ ବାଳକ ବିଭାଗରେ କାତାରେ କାଂସ୍ୟ ପଦକ ପାଇଥିଲେ। ଏହି ଖେଳାଳୀ ମାନେ ପଦକ ଜିତି କଳାହାଣ୍ଡି ଜିଲ୍ଲା ପାଇଁ ଗୌରବ ଆଣିଛନ୍ତି। ପଦକ ବିଜେତା ମାନଙ୍କୁ ରାଜ୍ଯ ତଥା କଳାହାଣ୍ଡି ର ବିଭିନ୍ନ ମହାଲରୁ ଓ କ୍ରୀଡ଼ା ସଂଘ ମାନଙ୍କ ପକ୍ଷରୁ ଶୁଭେଚ୍ଛା ଜ୍ଞାପନ କରାଯାଇଛି। କଳାହାଣ୍ଡି ଜିଲ୍ଲା କରାଟେ ସଂଘ ପକ୍ଷରୁ ସମ୍ପାଦକ କୃଷ୍ଣଚନ୍ଦ୍ର ସାହୁ ପଦକ ବିଜେତା ଙ୍କୁ ସମ୍ବର୍ଦ୍ଧନା ଜ୍ଞାପନ କରିଥିଲେ।