ଏଥର ସମ୍ଭାଳ (ଗୁଣପୁର) – ଗୁଣପୁର ବଂଶଧାରା ନଦୀରୁ ବେଧଡକ ବାଲି ଉଠାଣ କରାଯାଉଥିବା ନେଇ ଖବର ପ୍ରକାଶ ପାଇବା ପରେ ସ୍ଥାନୀୟ ତହସିଲଦାର ସୁଶ୍ରୀ ନମ୍ରତା ମୋଦୀ ଘଟଣା ସ୍ଥଳ ପରିଦର୍ଶନ କରି ଆସିଛନ୍ତି । ନଦୀରୁ ଜେସିପି ମାଧ୍ୟମରେ ବାଲି ଉଠା ଯାଉଥିବା,ନଦୀରୁ ବାଲି ଉଠାଇ ପ୍ରଥମ ଥର ଗୋଟାଏ ରାୟାଲଟି ଜମାଜରି ଏହି ରାୟାଲଟି ରସିଦ ଧରି ଦିନ ତମାମ ବାଲି ଉଠାଇ ବୁହା ହେଉଥିବା ଅବିଯୋଗ ହୋଇଛି । ଏପରିକି ନଦୀହିଡରେ କରାଯାଇଥିବା ଅଫିସରେ ଗୋଟିଏ ଅସଲି ଓ ଗୋଟାଏ ନକଲି ରସିଦ ବହି ବ୍ୟବହାର କରା ଯାଉଥିବା ଭଳି ସଙ୍ଗୀନ ଅଭିଯୋଗ ମଧ୍ୟ ଆସିଛି । ଏଥିରୁ ଆଦାୟ ଅର୍ଥକୁ ବାଲି ଟେଣ୍ଡେର ନେଉଥିବା ବ୍ୟକ୍ତି ଏବଂ ତହସିଲ କର୍ମଚାରୀ ଙ୍କ ମଧ୍ୟରେ ଭାଗ ବଣ୍ଟା ହେଉଥିବା ଓ ଏଥିରେ ସ୍ଥାନୀୟ ରାଜସ୍ବ ନିରୀକ୍ଷକ ସହଯୋଗ କରୁଥିବା କଥା ଉଠିଛି । ସ୍ଥାନୀୟ ତହସିଲଦାର ସୁଶ୍ରୀ ମୋଦୀ ଙ୍କ ପରିଦର୍ଶନ ପରେ ସେ ପ୍ରତ୍ୟେକ ବାଲି ଲୋଡ଼ ନିମନ୍ତେ ପ୍ରତି ଥର 250 ଟଙ୍କା ଲେଖାଏଁ ରାୟାଲଟି ରସିଦ କାଟିବା ପାଇଁ କହିବାରୁ ଏହାକୁ ବିରୋଧ କରି କିଛିଦିନ ଟ୍ରାକଟର ମାଲିକ ମାନେ ବାଲି ଉଠାଇବା ବନ୍ଦ କରିଦେଇଥିବା ଖବର ମିଳିଛି । କିନ୍ତୁ ପରବର୍ତ୍ତୀ ସମୟରେ କଣ ହେଲା କେଜାଣି ପୁଣି ବର୍ତ୍ତମାନ ଆଗଭଳି ରୀତିମତ ଧନ୍ଦା ଚାଲିଥିବା ଅଭିଯୋଗ ଉଠିଛି । ଖବର ପ୍ରକାଶ ପାଇବାପରେ ସ୍ଥାନୀୟ ଉପ ଜିଲ୍ଲାପାଳ ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ପ୍ରତିଶ୍ରୁତି ଦେଇଥିଲେ କିନ୍ତୁ ଏହା ଫାଇଲର ନାଲି ଫିତା ତଳେ ବାନ୍ଧି ହୋଇ ରହିଯାଇଥିବା ଅଭଯୋଗ ଆସୁଛି । ସ୍ଥାନୀୟ
ପ୍ରଶାସନର ନୀରବତା ରାଜସ୍ବ ହାନି ଦିଗରେ ସହଯୋଗ କରୁଥିବାରୁ କାର୍ଯ୍ୟାନୁଷ୍ଠାନ ନିମନ୍ତେ ସଧାରଣରେ ଦାବୀ ହେଉଛି ।
