କୋକସରା ବ୍ଲକ ଠାରେ ଜେ.ଏମ.ଏଫ.ସି କୋର୍ଟ ଉଦ୍ଘାଟିତ ହୋଇ ଯାଇଛି ।
!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ଦୁର୍ଗା ପ୍ୟାରେ ଲାଲ୍ ଙ୍କ ରିପୋର୍ଟ !!!
ଏଥର ସମ୍ଭାଳ (ଧର୍ମଗଡ଼) – କଳାହାଣ୍ଡି ର କୋକସରା ବ୍ଲକ ଠାରେ ଜେ.ଏମ.ଏଫ.ସି କୋର୍ଟ ଉଦ୍ଘାଟିତ ହୋଇ ଯାଇଛି । ସ୍ଥାନୀୟ ବାସିନ୍ଦା ଓ ଓକିଲ ସଂଘର ବହୁଦିନର ଅକାଂକ୍ଷା ପୁରଣ ହୋଇଥିବା ରୁ ଏହି ଅଞ୍ଚଳରେ ଆନନ୍ଦର ଲହରୀ ଖେଳି ଯାଇଛି ।କୋକସରା ଓକିଲ ସଂଘ ପକ୍ଷରୁ ସମ୍ମାନୀତ ଓ ମୁଖ୍ୟ ଅତିଥି ମାନଙ୍କୁ ଘୁମୁରା ଓ ଖୋଳର ତାଳେ ତାଳେ କୋର୍ଟ ପରିସରକୁ ପାଛୋଟି ଆଣିଥିଲେ । ଉଦ୍ଘାଟନୀ ଉତ୍ସଵ ରେ ମୁଖ୍ୟ ଅତିଥି ଭାବେ କଳାହାଣ୍ଡି ସେସନ୍ସ ଜର୍ଜ ଶ୍ରୀ ଶିଶିର ରଥ ସାମ୍ମାନୀତ ଅତିଥିଭାବେ ଓଡ଼ିଶା ହାଇକୋର୍ଟ ଓକିଲ ସଂଘର ସଦସ୍ୟ ଶ୍ରୀ ମାନସ ଚନ୍ଦ୍ର ଚାନ୍ଦ ଜିଲ୍ଲା କୋର୍ଟ ରେଜିଷ୍ଟର ସୃତିସୁଧା ଦାସ ,ଚିଫ ଜୁଡିସିଆଲ ମାଜିଷ୍ଟ୍ରଟ୍ ଶ୍ରୀ ରଞ୍ଜନ ସୁତାର,କୋକକସରା ଜେ.ଏମ.ଏଫ.ସି କୋର୍ଟର ନବ ନିଯୁକ୍ତି ପାଇଥିବା ଜର୍ଜ ଅଭିନନ୍ଦନ ନନ୍ଦ , ଓକିଲ ସଂଘ ସଭାପତି ପଞ୍ଚାନନ ବେଶ୍ରୀ ,ସମ୍ପାଦକ ଲଳିତ ଦାସ ପ୍ରମୁଖ ଯୋଗଦେଇ ଥିଲେ । ଏହି ଅବସରରେ ଆୟୋଜିତ ସଭାରେ ଅତିଥି ମାନଙ୍କୁ ଉପଢୌକନ ଦେଇ ସାମ୍ମାନୀତ କରାଯାଇଥିଲା ।ସଭାରେ ଅନ୍ୟାନ୍ୟ ଅତିଥି ଭାବେ ପୂର୍ବତନ ବିଧାୟକ ପୁଷ୍ପେନ୍ଦ୍ର ସିଂ ଦେବ ବର୍ତ୍ତମାନ ର ବିଧାୟକ ମୌସୁଧି ବାଗ,ତହସିଲଦାର ମୌସୁମୀ ନାୟକ ,ବିଡ଼ିଓ ବସନ୍ତ କୁମାର ସେଠୀ ,ଧର୍ମଗଡ଼ ଏସ ଡ଼ି ପି ଓ ଲକ୍ଷ୍ମୀ ନାରାୟଣ ପଣ୍ଡା ଯୋଗ ଦେଇଥିଲେ । ଓକିଲ ସଂଘ ସଦସ୍ୟ ଲକ୍ଷ୍ମୀକାନ୍ତ ଖମାରୀ ମଞ୍ଚ ପରିଚାଳନା କରିଥିଲେ । କୋକସରା ଓ ଆମପାଣି ର ଥାନା ଅଧିକାରୀ ,ମୋଟେର ଓ ଗୋତୋମୁଣ୍ଡା ଫାଣ୍ଡି ଏ ଏସ ଆଇ ଉପସ୍ଥିତ ରହି ସୁରକ୍ଷା ବ୍ୟବସ୍ଥାକୁ ତଦାରଖ କରିଥିଲେ । ଏଥିରେ ସ୍ଥାନୀୟ ଅଗ୍ନିଶମ ବିଭାଗ ମଧ୍ୟ ସାମିଲ ହୋଇ ଥିଲେ ।