!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଜୟପାଟଣା) – ମହିଳା ସରପଞ୍ଚଙ୍କୁ ଜାତିଆଣ ଆକ୍ଷେପ,ଅସଭ୍ୟ ଭାଷାରେ ଗାଳିଗୁଲଜ ଓ ହତ୍ୟା ଧମକ ଦେଇଥିବା ରୁ କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଉମେର ଗାଁ ର ପୂର୍ବତନ ଜିଲାପରିଷଦ ଯଦୁମଣି ସାହୁଙ୍କୁ ଜୟପାଟଣା ପୋଲିସ ଗିରଫ କରିଥିବା ଜଣାପଡ଼ିଛି। ପ୍ରାପ୍ତ ସୂଚନା ଅନୁଯାୟୀ ଜୟପାଟଣା ବ୍ଲକ ଭେଜିଗୁଡା ପଂଚାୟତର ନୂତନ କୋଠା ନିର୍ମାଣ ର ଭିତ୍ତିଭୂମି ପାଇଁ ଭେଜିଗୁଡା ସରପଞ୍ଚ, ସମସ୍ତ ୱାର୍ଡ ସଭ୍ୟ ସଭ୍ୟା, ଜୟପାଟଣା ବିଡ଼ିଓ, ତହସିଲଦାର ବ୍ଲକ କର୍ମଚାରୀ ଓ ପଞ୍ଚାୟତ ବାସୀ ଏକ ବୈଠକ କରୁଥିଲେ, ସେ ସମୟରେ ଅଭିଯୁକ୍ତ ପୂର୍ବତନ ଜିଲ୍ଲାପରିଷଦ ଯଦୁମଣି ସାହୁ ପହଂଚି କିଛି ନିଜସ୍ୱ ସ୍ୱାର୍ଥ ନିହିତ ପାଇଁ ନୂତନ କୋଠା କୁ ନିଜ ଗାଁ ଉମେର ରେ ନିର୍ମାଣ କରିବା ପାଇଁ କହିଥିଲେ।
କିନ୍ତୁ ହାଇକୋର୍ଟ ଙ୍କ ନିର୍ଦ୍ଧେଶ କ୍ରମେ ଓ ସମସ୍ତ ଜନସ୍ୱାର୍ଥ କୁ ଆଖି ଆଗରେ ରଖି ଏହା ଭେଜିଗୁଡା ରେ ହେବ ବୋଲି ସରପଞ୍ଚ ପ୍ରକାଶ କରିଥିଲେ।ଏଥିରେ ଯଦୁମଣି କ୍ରୋଧ ହୋଇ ସରପଞ୍ଚ , ବିଡ଼ିଓ, ତହସିଲଦାର, ଉପସ୍ଥିତ ସଭ୍ୟ ସଭ୍ୟା ମାନଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରି, ହତ୍ୟା ଧମକ ଦେଇଥିଲେ ଏବଂ ସରପଞ୍ଚ ଙ୍କୁ ଜାତିଆଣ ଆକ୍ଷେପ କରିଥିଲେ । ଏଥି ନେଇ ସରପଞ୍ଚ ଜୟପାଟଣା ଥାନା ରେ ଲିଖିତ ଅଭିଯୋଗ କରିଥିଲେ , ପୋଲିସ ଅଭିଯୋଗ ଅନୁସାରେ ୨୧୪/୧୯ ରେ ଏକ ମାମଲା ରୁଜୁ କରି ଆଇ.ପି.ସି ୨୯୪,୩୫୩,୫୦୬ ତଥା ଆଟରୋସିଟି ଧାରା ଲଗାଇ ଯୁବକ ଙ୍କୁ ଗିରଫ କରିଛି।
କିନ୍ତୁ ଏ ନେଇ ଥାନା ଅଧିକାରୀ ସୁଶାନ୍ତ ସାହୁ କିମ୍ବା ଅଭିଯୁକ୍ତ କ୍ୟାମେରା ଆଗରେ କିଛି ପ୍ରତିକ୍ରିୟା ରଖିନଥିବା ଘଟଣା କୁ ସନ୍ଦେହ ଘେର ରେ ରଖିଛି ।
