ଗାଁକୁ ନାହିଁ ରାସ୍ତା ; ପକ୍କା ରାସ୍ତା ଟି ନିର୍ମାଣ ପାଇଁ ସାଧାରଣରେ ଦାବୀ…!
!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୁର୍ଗା ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଗୋଳାମୁଣ୍ଡା) – କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଚପ୍ରିଆ ପଞ୍ଚାୟତ ସ୍ଥିତ ଡଙ୍ଗରପଡା ସ୍କୁଲ ରାସ୍ତା କଥା ନକହିବା ଭଲ। ଅଳ୍ପ ବର୍ଷା ହେଲେ ଏହି ରାସ୍ତା ର ଅବସ୍ଥା ଅତି ଶୋଚନୀୟ ହୋଇପଡ଼ୁଛି। କେବଳ ବିଦ୍ୟାର୍ଥୀ ଙ୍କ ପାଇଁ ନୁହଁ ଗ୍ରାମ ବାସୀଙ୍କ ଯାତାୟତ ର ଏହା ଏକ ଶାହା ଭରସା । ବର୍ଷା ହେଲେ ଲୋକେ ଗ୍ରାମ ବାହାରକୁ ଯିବା ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ରାଜ୍ୟ ଓ କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ମାଧ୍ୟମରେ ରାସ୍ତାଘାଟ ନିର୍ମାଣ କରାଯାଉଥିବା ବେଳେ ଏହି ଅଞ୍ଚଳର ଶହେ ଗୋଟି ପରିବାର ପାଇଁ ରହିଥିବା ଏହି କାଦୁଅ ପୂର୍ଣ୍ଣ କଞ୍ଚା ରାସ୍ତାଟି ପ୍ରତି କାହାରି ନଜର ପାଉନଥିବାରୁ ଏହା ଅଞ୍ଚଳ ବାସୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି କରୁଛି। ତୁରନ୍ତ ଏଠାରେ ଏକ ପକ୍କା ରାସ୍ତା ନିର୍ମାଣ ପାଇଁ ସାଧାରଣ ରେ ଦାବୀ ହେଉଛି।