ଗୁଣୁପୁର ଠାରେ ବହୁ ଆଡ଼ମ୍ବର ସହକାରେ ୭୩ ତମ ସ୍ଵାଧୀନତା ଦିବସ ପାଳନ…!
!!! ଦକ୍ଷିଣ ଓଡ଼ିଶା ମୁଖ୍ୟ ଡ଼ି କିରଣ କୁମାର ଙ୍କ ରିପୋର୍ଟ !!!
ଏଥର ସମ୍ଭାଳ (ଗୁଣପୁର) – ରାୟଗଡ ଜିଲ୍ଲା ଗୁଣପୁର ଠାରେ ବହୁ ଆଡମ୍ବର ସହକାରେ ୭୩ ତମ ସ୍ଵାଧୀନତା ଦିବସ ପାଳିତ ହୋଇଯାଇଛି । ଏହି ଉତ୍ସବ ରେ ସ୍ଥାନୀୟ ଉପ ଜିଲ୍ଲାପାଳ ଶ୍ରୀ ସିଦ୍ଧେଶ୍ବର ବଳିରାମ ବନ୍ଧୋର ମୁଖ୍ୟ ଅତିଥି ଭାବେ ଯୋଗ ଦେଇ ପତାକା ଉତ୍ତୋଳନ କରିବା ସହ ପ୍ୟାରେଡ଼ ପରିଦର୍ଶନ ଓ ସମ୍ମିଳିତ ପ୍ୟାରେଡ଼ ର ଅଭିବାଦନ ଗ୍ରହଣ କରିଥିଲେ । ଉକ୍ତ ଉତ୍ସବ ରେ ସ୍ଥାନୀୟ ବିଧାୟକ ଶ୍ରୀ ରଘୁନାଥ ଗମାଙ୍ଗ , ଗୁଣପୁର ତହସିଲଦାର ସୁଶ୍ରୀ ନମ୍ରତା ମୋଦୀ , ସ୍ଥାନୀୟ ପୋଲିସ କତୃପକ୍ଷ ଙ୍କ ସମେତ ଗୁଣପୁର ଉପଖଣ୍ଡ ସୁଚନା ଓ ଲୋକ ସମ୍ପର୍କ ଅଧିକାରୀ ସୁଶ୍ରୀ ରଶ୍ମି ରାଣୀ ନିମାକା ପ୍ରମୁଖ ଉପସ୍ଥିତ ରହିଥିଲେ ।
ଉକ୍ତ ପ୍ୟାରେଡ଼ ରେ ଗୁଣପୁର ମହା ବିଦ୍ୟାଳୟ ଏନ.ସି.ସି , ବାଳକ ଉଚ୍ଚ ବିଦ୍ୟାଳୟ ଏନ.ସି.ସି , ବାଳିକା ଉଚ୍ଚ ବିଦ୍ୟାଳୟ ଏନ.ସି.ସି , ସରସ୍ୱତୀ ଶିଶୁ ବିଦ୍ୟା ମନ୍ଦିର , ଜଗନ୍ନାଥ ପବ୍ଲିକ ସ୍କୁଲ , ବିଦ୍ୟାନିକେତନ ପବ୍ଲିକ ସ୍କୁଲ ଏବଂ ସାଧୁ ପାଉଲ ବିଦ୍ୟାଳୟ ର ସ୍କାଉଟ୍ ପିଲାମାନେ ଯୋଗ ଦେଇ ନିଜ ନିଜ ପ୍ୟାରେଡ଼ ପରିବେଷଣ କରିଥିଲେ ।
ପ୍ୟାରେଡ଼ ପରିବେଷଣ କରୁଥିବା ଗ୍ରୁପ ମାନଙ୍କ ମଧ୍ୟରୁ ସର୍ବତ୍ତୋମ ଗ୍ରୁପ ଭାବେ ଗୁଣପୁର ମହାବିଦ୍ୟାଳୟ ଗ୍ରୁପ କୁ ପ୍ରଥମ ସ୍ଥାନ , ବାଳିକା ଉଚ୍ଚ ବିଦ୍ୟାଳୟ ଗୁଣପୁର କୁ ଦ୍ବିତୀୟ ସ୍ଥାନ ଏବଂ ବାଳକ ଉଚ୍ଚ ବିଦ୍ୟାଳୟ ଗୁଣପୁର କୁ ତୃତୀୟ ସ୍ଥାନ ଅଧିକାର କରିଥିବା ଘୋଷଣା କରାଯାଇଛି ।
ଆଜି ସଂଧ୍ୟା ୬ଟା ରେ ସ୍ଥାନୀୟ ଟାଉନ ହଲ ଠାରେ ବିଭିନ୍ନ କାର୍ଯ୍ୟକ୍ରମ ରେ କୃତିତ୍ୱ ହାସଲ କରିଥିବା ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯିବା ର କାର୍ଯ୍ୟକ୍ରମ ରହିଛି ।