ଧର୍ମଗଡ଼ କୁ ଇଲେକ୍ଟ୍ରିକ ଡିଭିଜନ ସ୍ଥାନାନ୍ତରିତ କରିବା ନିମନ୍ତେ ସଧାରଣରେ ଦାବୀ ।

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୁର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – 2015 ମସିହାରେ ଧର୍ମଗଡ଼ ଠାରେ ଉଦ୍ଘାଟିତ ହୋଇଥିଲା”ଧର୍ମଗଡ଼ ଇଲେକ୍ଟ୍ରିକ ଡିଭିଜନ ” । ଏହା ଧର୍ମଗଡ଼ ଠାରେ କିଛି ଦିନ କାର୍ଯ୍ୟ କରିବାପରେ ଏହାକୁ ଭବାନୀପାଟଣା ଉଠାଇ ନିଆଗଲା । ଫଳରେ ଏହାକୁ ନେଇ ଧର୍ମଗଡ଼ ଠାରେ ଜନ ଅସନ୍ତୋଷ ଦେଖା ଦେଇଛି । ସୁଦୂର ଭବାନୀପାଟଣା କୁ ଯାଇ ଲୋକେ କାର୍ଯ୍ୟ ନିର୍ବାହ କରିବା ଲାଗି ବହୁ ଅସୁବିଧାର ସମ୍ମୁଖୀନ ହେଉଛନ୍ତି ।

ଏହି ଡିଭିଜନ କୁ ପୁଣି ଧର୍ମଗଡ଼ ଠାରେ ପୂର୍ବ ଭଳି କାର୍ଯ୍ୟକ୍ଷମ କରିବାଲାଗି ଜନ ଆନ୍ଦୋଳନ ତେଜୁଛି । ଡିଭିଜନ କାର୍ଯ୍ୟାଳୟକୁ ପୁଣି ଧର୍ମଗଡ଼ ଠରେ ସମ୍ପୂର୍ଣ୍ଣ ଭାବେ କାର୍ଯ୍ୟକ୍ଷମ କରିବା ଦାବୀରେ ଧର୍ମଗଡ଼ ଜଗନ୍ନାଥ ସେବା ସମିତି ପକ୍ଷରୁ ମାନ୍ୟବର ଶକ୍ତି ମନ୍ତ୍ରୀ ଙ୍କ ଉଦ୍ଦେଶ୍ୟରେ ସ୍ଥାନୀୟ ଉପଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ଏହା ପ୍ରଦାନ କରିବା ସମୟରେ ବିଦ୍ୟାଧର ସାହୁ, ଲକ୍ଷ୍ମୀକାନ୍ତ ବାଗ, ବିଷ୍ନୁ ପ୍ରସାଦ ଅଗ୍ରୱାଲ, ରାଜେନ୍ଦ୍ର ମୁନି ସମୂହ ଉପସ୍ଥିତ ଥିଲେ।