ଧର୍ମଗଡ଼ ପୋଲିସ୍ ପକ୍ଷ୍ୟରୁ ପରୀ କାର୍ଯ୍ୟକ୍ରମ ଅନୁଷ୍ଠିତ…!
!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ଯାରୀଲାଲ୍ ଦୁର୍ଗା ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଧର୍ମଗଡ଼) – ଧର୍ମଗଡ଼ ଠାରେ ଶିଶୁ ଯୌନ ନିର୍ଯାତନା, ଶିଶୁ ଶ୍ରମିକ ପ୍ରଥା ଓ ଶିଶୁ ଚଲାଣ ସମ୍ପର୍କିତ ‘ପରୀ ପାଇଁ ଦିନଟିଏ’ ସଚେତନତା ଅଭିଯାନ ଉପଲକ୍ଷେ ଧର୍ମଗଡ଼ ପୋଲିସ ପ୍ରଶାସନ ପକ୍ଷରୁ ଜନ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ଧର୍ମଗଡ଼ସ୍ଥିତ ବିଭିନ୍ନ ମହାବିଦ୍ୟାଳୟ ର ଛାତ୍ରୀମାନେ ସଚେତନତା ସମ୍ପର୍କିତ ବିଭିନ୍ନ ପ୍ଲାକାର୍ଡ ଧରି ଓ ସ୍ଲୋଗାନ ଦେଇ ସହର ପରିକ୍ରମା କରିଥିଲେ।ଏନେଇ ଧର୍ମଗଡ଼ ବିଜୁ କଲ୍ୟାଣ ମଣ୍ଡପ ଠାରେ ଉପଖଣ୍ଡ ପୋଲିସ ଅଧିକାରୀ ଶ୍ରୀ ଲଷ୍ମୀ ନାରାୟଣ ପଣ୍ଡା ଙ୍କ ଅଧ୍ୟକ୍ଷତାରେ ଆୟୋଜିତ ଏକ ସଭାରେ ଧର୍ମଗଡ଼ର ବିଶିଷ୍ଟ ଶିକ୍ଷାବିତ ଶ୍ରୀ ପ୍ରତାପ କିଶୋର ମୁଣ୍ଡ, ପଞ୍ଚାୟତ ମହାବିଦ୍ୟାଳୟର ପୁର୍ବତନ ଅଧ୍ୟକ୍ଷ ଶ୍ରୀ ସତ୍ୟ ପଟ୍ଟନାୟକ, ବ୍ୟବସାୟୀ ସଙ୍ଘ ସଭାପତି ଶ୍ରୀ ବିଦ୍ୟାଧର ସାହୁ, ଧର୍ମଗଡ଼ ଥାନା ଅଧିକାରୀ ଶ୍ରୀ ଡମୁ ପରଜା ପ୍ରମୁଖ ଉପସ୍ଥିତ ରହି ‘ପରୀ ପାଇଁ ଦିନଟିଏ’ଉପରେ ନିଜ ନିଜର ବକ୍ତବ୍ୟ ରଖିଥିଲେ। ଧର୍ମଗଡ଼ ଥାନା ର କର୍ମଚାରୀ ରାହୁଲ ସୁନା ମଞ୍ଚ ପରିଚାଳନା କରିଥିବାବେଳେ ସବ ଇନ୍ସପେକ୍ଟର ଶ୍ରୀ ଆର. କେ. ବେହେରା ଧନ୍ୟବାଦ ପ୍ରଦାନ କରିଥିଲେ।