ବନ୍ୟା ରେ ଭାସି ପୂର୍ବତନ ସରପଞ୍ଚ ମୃତ୍ୟୁ ; ୨ ଜଣ ସାଥୀ ଉଦ୍ଧାର…!
!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜତ୍ ପଟ୍ଟନାୟକ ଙ୍କ ରିପୋର୍ଟ୍ !!!
ଏଥର ସମ୍ଭାଳ (କଳାହାଣ୍ଡି) – ଗତ ୭ ତାରିଖ ରାତିରେ ବ୍ରିଜ୍ ଉପର ଦେଇ ମୋଟର ସାଇକେଲ ରେ ପାରିହେବା ବେଳେ ବନ୍ୟା ର ପ୍ରଖର ସ୍ରୋତ ରେ ଭାସି ଯାଇ ଜଣେ ମୃତ ଅନ୍ୟ ୨ ଉଦ୍ଧାର ହୋଇଛନ୍ତି। ଘଟଣା ଘଟିଛି କଳାହାଣ୍ଡି ଓ କନ୍ଧମାଳ ସୀମାନ୍ତ ରେ।
ମଦନ ପୁର ରାମପୁର ଥାନ ମୋହନ ଗିରି ର ପୂର୍ବତନ ସରପଞ୍ଚ, ସମିତି ସଭ୍ୟ ତଥା ବିଜେପି ନେତା ଉପେନ୍ଦ୍ର ମାଝୀ ଦୁଇଜଣ ସହ ମିଶି ସାନପୁଅ ର ବିବାହ ବନ୍ଧୁ ମିଳନ ଯୋଗଦେବା ପଡୋଶୀ କନ୍ଧମାଳ ଯାଇ ରାତ୍ର ୮ ଟା ରେ କାଲି ପୁସିଂ ବ୍ରିଜ୍ ପାରିହେବା ବେଳେ ପ୍ରଖର ସ୍ରୋତ ରେ ୩ ଜଣ ଭାସି ଯାଇଥିଲେ । ସେଥି ମଧ୍ୟରୁ ଦୁଇ ଜଣ ଙ୍କୁ ଉଦ୍ଧାର କରାଯାଇଥିବା ବେଳେ ଉପେନ୍ଦ୍ର ନିଖୋଜ ଥିଲେ। ଖୋଜା ଲୋଡ଼ା ପରେ ବ୍ରିଜ୍ ର ୪୦୦ ମିଟର ଦୁରରୁ ଉପେନ୍ଦ୍ର ଙ୍କ ମୃତ ଦେହ ଉଦ୍ଧାର କରାଯଇଥିଲା ।
ମୃତ ଦେହ କନ୍ଧମାଳ ଜିଲ୍ଲା ବାରଖମା ଫାଣ୍ଡି ଅଧୀନରେ ଥିବା ସ୍ଥାନରୁ ଉଦ୍ଧାର କରାଯାଇଥିବା ହେତୁ ବାରଖମା ପୋଲିସ ଏକ ଆପମୃତ୍ୟୁ ମାମଲା ରୁଜୁ କରି ଶବ ବ୍ୟବଛେଦ ପାଇ ପଠାଇଛି।