ଲଇତରା ଠାରେ କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ ସୁରଭି -୨୦୨୫ ପାଳିତ…!

!!! କଳାହାଣ୍ଡି ଜିଲ୍ଲା ପ୍ରତିନିଧି ମୋନଜ କୁମାର ସିଂ ଙ୍କ ରିପୋର୍ଟ !!!

ଏଥର ସମ୍ଭାଳ(ଭବାନୀପାଟଣା)- ଗୁରୁବାର ଦିନ ଲଇତରା କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ ସୁରଭି -୨୦୨୫ ଲଇତରା କ୍ଲଷ୍ଟର ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଲଇତରା ଓ ଲଇତରା ଉଚ୍ଚ ବିଦ୍ୟା ମନ୍ଦିର ଠାରେ ଆନୁଷ୍ଠାନିକ ଭାବେ ଓଡ଼ିଶା ସରକାରଙ୍କ ବିଦ୍ୟାଳୟ ଓ ଗଣଶିକ୍ଷା ବିଭାଗ ଆନୁକୂଲ୍ୟରେ ଅନୁଷ୍ଠିତ ହୋଇ ଯାଇଛି ।ଏହି କାର୍ଯ୍ୟକ୍ରମ ର ଉଭୟ ଉଦଯାପନୀ ଓ ଉଦ୍ଘାଟନୀ ସମାରୋହରେ ମୁଖ୍ୟ ଅତିଥି ଭାବେ ଲଇତରା ଗ୍ରାମ ପଞ୍ଚାୟତ ର ସରପଞ୍ଚ ଯୋଗ ଦେଇଥିବା ବେଳେ ସଭାପତି ଭାବେ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ଶ୍ରୀ କୁଶ ଚନ୍ଦ୍ର ସାହୁ, ସମ୍ମାନିତ ଅତିଥି ଭାବେ ପ୍ରାଥମିକ ଶିକ୍ଷକ ସଂଘର୍ ସଭାପତି ତଥା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀ ସୁରେନ୍ଦ୍ର କୁମାର ଦୋରା , ଲଇତରା ଉଚ୍ଚ ବିଦ୍ୟା ମନ୍ଦିର ର ପ୍ରଧାନ ଶିକ୍ଷକ ଶ୍ରୀ ଲମ୍ବୋଦର ପୋଢ଼, ମୁଖ୍ୟ ବକ୍ତା ଭାବେ ଅଧକ୍ଷ ଓଡ଼ିଶା ଆଦର୍ଶ ବିଦ୍ୟାଳୟ କେସିଙ୍ଗା ଶ୍ରୀ ନୀଳମାଧବ ପଟ୍ଟନାୟକ ଯୋଗ ଦେଇଥିଲେ । ସମସ୍ତଙ୍କ ଦ୍ଵାରା ପ୍ରଭୁ ଗଜାନନ ଙ୍କ ନିକଟରେ ଦ୍ଵିପ ପ୍ରଜ୍ବଳନ ପରେ ସମସ୍ତେ ନିଜ ନିଜ ଅଭିଭାଷଣ ପ୍ରଦାନ କରିଥିଲେ ।କାର୍ଯ୍ୟକ୍ରମର ଆବାହକ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଶ୍ରୀ ତପନ କୁମାର ଦାଶ ଉଦ୍ଦେଶ୍ୟ ଜ୍ଞାପନ କରିଥିଲେ ।ସ୍ଵାଗତ ସଙ୍ଗୀତ ଲଇତରା ଉଚ୍ଚ ବିଦ୍ୟାଳୟ ଓ ଉଚ୍ଚ ପ୍ରାଥମିକ ବିଦ୍ୟାଳୟ ର ଛାତ୍ରୀ ମାନେ ସୁନ୍ଦର୍ ଭାବେ ପରିବେଷଣ କରିଥିଲେ ।ଏହା ପରେ ଭୋଜନ ପ୍ରାୟ ୧ ଘଣ୍ଟା ସମୟରେ ହୋଇଥିଲା ଓ ତାହାପରେ ସାଂସ୍କୃତିକ କାର୍ଯ୍ୟକ୍ରମ ଆରମ୍ଭ ହୋଇଥିଲା ।ଏଥିରେ ସର୍ବମୋଟ ଆଠ ଗୋଟି ବିଦ୍ୟାଳୟ ଅଂଶଗ୍ରହଣ କରିଥିଲେ । ଏଥିରେ ଓଡ଼ିଶା ଆଦର୍ଶ ବିଦ୍ୟାଳୟ ପ୍ରଥମ ସ୍ଥାନ ଅଧିକାର କରି ବ୍ଲକ ସ୍ତରୀୟ ସୁରଭି କୁ ମନୋନୀତ ହୋଇଥିଲେ ।ଏହି ବର୍ଷର ମୁଖ୍ୟ ଆଭିମୁଖ୍ୟ ମୋ ଓଡ଼ିଶାର ସ୍ଵପ୍ନ -୨୦୩୬ ଥିଲା ବେଳେ ବିଭିନ୍ନ ପ୍ରତିଯୋଗିତାରେ ଛାତ୍ର ଛାତ୍ରୀ ମାନେ ପୁରସ୍କୃତ ହୋଇ ଛାତ୍ର ଛାତ୍ରୀ ମାନେ ପ୍ରଥମ ସ୍ଥାନ ସହ ବ୍ଲକ ସ୍ତର କୁ ମନୋନୀତ ଥିଲେ ।ଏହି କାର୍ଯ୍ୟକ୍ରମରେ ଶିକ୍ଷକ ଶ୍ରୀ ତାପସ ମହଲା,ଶ୍ରୀ ବିଷ୍ଣୁ ଭାଟି,ଶ୍ରୀ ଅମରେଶ ବିଶି,ଶ୍ରୀ ପ୍ରଫୁଲ୍ଲ ବିଶି, ଶ୍ରୀ ବିଶ୍ୱଜିତ୍ ପୋଡ଼, ଶ୍ରୀ ଚନ୍ଦ୍ର ଶେଖର ନାଏକ, ଶ୍ରୀ ଖିରଶିନ୍ଧୁ ଶବର, ଶ୍ରୀ ଆଲୋକ କୁ ଯୋଶୀ,ଶ୍ରୀ ସ୍ୱାଇଁ, ଶ୍ରୀ ସୋନି ଭୋଇ, ଶିକ୍ଷୟତ୍ରୀ ବନ୍ଦନା ଦାଶ , ନଳିନୀ ନାଗ, ତପସ୍ୱିନୀ ବାଗ, ଭାନୁମତୀ ଚୌହାନ, ପ୍ରମିଳା ମାଝି, ପଦ୍ମାବତୀ ଓଝା, ଗୀତାଞ୍ଜଳି ପ୍ରଧାନ , ଗାୟତ୍ରୀ ଭୋଇ, ମୋନାଲି ପ୍ରିୟଦର୍ଶିନୀ , ତମିସା ମହନ୍ତ, ଅମୀନା ଭୋଇ ଇତ୍ୟାଦି ଯୋଗ ଦେଇ ଥିଲେ । ସାଂସ୍କୃତିକ କାର୍ଯ୍ୟକ୍ରମ ରେ କେସିଙ୍ଗା ସହରର ଜଣାଶୁଣା ଜାତୀୟ ସ୍ତରର କଳାକାର ଶ୍ରୀ ଦେବ ଓ ଶ୍ରୀ ରଞ୍ଜିତ ବିଚାରକ ଭାବେ ଥିଲେ । ଏହାପରେ ଶେଷରେ ସମସ୍ତଙ୍କୁ ସିଆରସିସି ଶ୍ରୀ ଦାଶ ଧନ୍ୟବାଦ୍ ଦେଇ ସଭାକୁ ସଭାପତିଙ୍କ ଅନୁରୋଧ କ୍ରମେ ସମାପ୍ତ କରିଥିଲେ ।ଏହି କାର୍ଯ୍ୟକ୍ରମକୁ ଅଞ୍ଚଳର ଲୋକେ ଭୂରି ଭୂରି ପ୍ରଶଂସା କରିଥିଲେ ।ଏହି ସମ୍ପୂର୍ଣ କାର୍ଯ୍ୟକ୍ରମକୁ ଡୁମେରମୁଣ୍ଡା ଉଚ୍ଚ ପ୍ରାଥମିକ ବିଦ୍ୟାଳୟର ସହ ଶିକ୍ଷୟତ୍ରୀ ଶ୍ରୀମତୀ ଲିସା ଦାସ ସଂଯୋଜନା କରିଥିଲେ ।