ସ୍ଵର୍ଗତ ନିରଞ୍ଜନ ପ୍ରଧାନ (ବିଦ୍ରୋହୀ) ଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ସଭା ପାଳିତ…!

!!! କଳାହାଣ୍ଡି ଜିଲ୍ଲା ପ୍ରତିନିଧି ମୋନଜ କୁମାର ସିଂ ଙ୍କ ରିପୋର୍ଟ !!! 

ଏଥର ସମ୍ଭାଳ (ଭବାନୀପାଟଣା)- ସ୍ଥାନୀୟ ଅମଲା ଭବନ ଠାରେ ସ୍ଵର୍ଗତ ନିରଞ୍ଜନ ପ୍ରଧାନ ଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ସଭା ଅନୁଷ୍ଟିତ ହୋଇଯାଇଛି। ବରିଷ୍ଠ ସାମ୍ବାଦିକ ଭାରତ ଭୂଷଣ ଠାକୁର ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସ୍ମୃତି ସଭାରେ ପ୍ରଫେସର ବିଜୟ ବହିଦାର ମୁଖ୍ଯ ଅତିଥି ଭାବେ ଯୋଗଦାନ କରି ବିଦ୍ରୋହୀଙ୍କ ସ୍ମୃତି ଚାରଣ କରି ଦେଶର ବିଭିନ୍ନ ଟ୍ରେଡ଼ ୟୁନିଅନ ଦ୍ଵାରା ହେଉଥିବା ବିଦ୍ରୋହ ସମ୍ପର୍କରେ ସୂଚନା ଦେଇ ନିରଞ୍ଜନ ବିଦ୍ରୋହୀ ଙ୍କ ଅବଦାନ ସମ୍ପର୍କରେ କହିଥିଲେ। ସମ୍ମାନୀତ ଅତିଥି ଭାବେ ପରିବେଶବିତ୍ ପ୍ରଫୁଲ୍ଲ ସାମନ୍ତରାୟ, ଚାଷୀ ନେତା ଲିଙ୍ଗରାଜ ପ୍ରଧାନ ସମ୍ମାନୀତ ଅତିଥି ଭାବେ ଯୋଗଦେଇଥିଲେ। ଅନ୍ୟ ମାନଙ୍କ ମଧ୍ୟରେ ଲିଙ୍ଗରାଜ ଆଜାଦ, ରଜତ ପ୍ରଧାନ, ଅନୱର ଭାରତୀ,ସତ୍ୟ ମାହାର, ପୂର୍ଣ୍ଣ ଚନ୍ଦ୍ର ପ୍ରଧାନ, ସଞ୍ଜୟ ସୁନାନୀ, ସୁରେଶ ସଂଗ୍ରାମ, ଅଗଷ୍ଟ ନାୟକ, ସନ୍ତୋଷ ମୁଣ୍ଡ ପ୍ରମୂଖ ସ୍ମୃତି ଚାରଣ କରିଥିଲେ। ଆଇନଜୀବୀ ସିଦ୍ଧାର୍ଥ ନାୟକ ସ୍ମୃତି ସଭାମଞ୍ଚ ପରିଚାଳନା କରିଥିଲେ। ନିରଞ୍ଜନ ସ୍ମୃତି ସମ୍ମାନ ଭାବେ କୃଷି କ୍ଷେତ୍ରରେ ଜୁନାଗଡ଼ ଅଞ୍ଚଳର ଲକ୍ଷ୍ମଣ ରଣବୀର, ସମାଜ ସେବା କ୍ଷେତ୍ରରେ ଭାବଗ୍ରାହୀ ନାୟକ, ପରିବେଶ ସୁରକ୍ଷା କ୍ଷେତ୍ରରେ ରାୟଗଡ଼ା ଜିଲ୍ଲା କଲ୍ୟାଣୀ ସିଂ ପୁର କୃଷ୍ନ ସିକକା ଙ୍କୁ ସମ୍ମାନୀତ କରାଯାଇଥିଲା। ନିରଞ୍ଜନ ସ୍ମୃତି କମିଟି ଆବାହକ ଇନ୍ଦ୍ରଜିତ୍ ମହାଖୁଡ ଧନ୍ୟବାଦ୍ ଅର୍ପଣ କରିଥିଲେ।