ବଂଶଧାରା ମେଗାକ୍ରିଡା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ

ଏଥର ସମ୍ଭାଳ ବ୍ୟୁରୋ (ଗୁଣପୁର)-ସ୍ଥାନୀୟ ଚର୍ଚ୍ଚ କ୍ଯାମ୍ପସ ପରିଶରରେ ଦ୍ବାଦଶ ରାଜ୍ୟ ସ୍ତରୀୟ ବଂଶଧାରା ବସନ୍ତ ମହୋତ୍ସବ ର ମେଗା କ୍ରିଡା ଉତ୍ସବ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। କ୍ରିଡା ପରିଷଦ ସଭାପତି ଦେବ ପ୍ରଶାଦ ପାଢିଙ୍କ ସଭାପତିତ୍ବ ରେ ଅନୁଷ୍ଠିତ ଏହି ବୈଠକରେ ଏଥର ଜାନୁଆରୀ ୨୮ ତାରିଖରେ ମେଗା କ୍ରୀଡା ଉତ୍ସବ ମିନି ଷ୍ଟାଡିୟମ ରେ ଉଦଘାଟନ ପରେ ଛାତ୍ରଛାତ୍ରୀ ମାନଙ୍କ ମଧ୍ୟରେ କବାଡି, ଦୌଡ, ଟାଗ୍ ଅଫ ଓ୍ବାର ପ୍ରତିଯୋଗିତା କରାଯିବା ସହ ଗତବର୍ଷ ଭଳି ଏଥର ମଧ୍ୟ ବଳରାମ ପଣ୍ଡା ସ୍ମାରକୀ ରାଜ୍ୟ ସ୍ତରୀୟ ବଂଶଧାରା କପ୍ ଡ୍ଯୁଜ୍ ବଲ କ୍ରିକେଟ ଟୁର୍ଣ୍ଣାମେଣ୍ଟ, ସୋମନାଥ ପାତ୍ର ଟେନିସ ବଲ କ୍ରିକେଟ ଟୁର୍ଣ୍ଣାମେଣ୍ଟ, ଯୁଧିଷ୍ଠିର ମହାଙ୍କୁଡ ଭଲିବଲ ଟୁର୍ଣ୍ଣାମେଣ୍ଟ, ଆଇ ରାମବାବୁ ବେଡ୍ ମିଣ୍ଟନ୍ ଟୁର୍ଣ୍ଣାମେଣ୍ଟ, ପାଓ୍ବାର ଲିଫଟିଂ ଇତ୍ଯାଦି ଖେଳ କରାଯିବା ପାଇଁ ନିଷ୍ପତ୍ତି ହୋଇଥିଲା। ଏଥିପାଇଁ ବିଭିନ୍ନ ସଦଶ୍ଯ ଙ୍କୁ ଦାୟିତ୍ବ ଦିଆଯାଇ ଥିଲା। କେଉଁ ଖେଳ କେଉଁଠି କରାଯିବ ତାପାଇଁ ସ୍ଥାନ ମଧ୍ୟ ନିରୁପଣ କରାଯାଇ ମକର ପରେ ତାଲିକା ପ୍ରକାଶ କରିବାକୁ ନିଷ୍ପତ୍ତି ହୋଇଥିଲା। ଏହି କାର୍ଯ୍ୟକ୍ରମରେ ଅନ୍ଯ ମାନଙ୍କ ମଧ୍ୟରେ କ୍ରିଡା ପରିଷଦ ସମ୍ପାଦକ ସପନ ଦାସ, ଉତ୍ସବ ପରିଚାଳନା କମିଟିର କାର୍ଯ୍ଯକାରୀ ସଭାପତି ଏସ. ବାବା ପ୍ରଶାଦ, ଉପ ସଭାପତି ଉମା ଦାସ, ସାଧାରଣ ସମ୍ପାଦକ ମିଲି ପାଢି, ସଂଯୋଜକ ବି. ସତିଶ କୁମାର, କ୍ରିଡା ସଂଯୋଜକ କିରଣ ପାଣିଗ୍ରାହୀ, ସହ ସମ୍ପାଦକ ରାମ ପଣ୍ଡା, ପ୍ରମୋଦ ଦାସ, ହାଡିଆ ଶବର, ରମାକାନ୍ତ ମିଶ୍ର, ମନୋଜ ରଥ, ଗୌତମ ମାଦିଳି, ନନ୍ଦିନୀ ପଣ୍ଡା, ନମିତା ରଥ, ଦେବୀ ଆଚାର୍ଯ୍ୟ, କୃଷ୍ଣ ଶେନାପତି, ସପନ ଦାସ, ଶ୍ରୀକାନ୍ତ ବେହେରା, ଗଜା ପାଳ, ଡମ୍ବୁରୁ ଗୌଡ, ସଂଜୀବ ପଟନାୟକ, କୃଷ୍ଣଚନ୍ଦ୍ର ଶେନାପତି, ସୁନିଲ ଗୌଡ, ରମେଶ ମିଶ୍ର, ରବି କୌଷଲ୍ଯା, ଅଜିତ ପଣ୍ଡା, ମୁନା ପାଢି ପ୍ରମୁଖ ଉପସ୍ଥିତ ଥିଲେ।