ଏଥର ସମ୍ଭାଳ ବ୍ୟୁରୋ (ଗଜପତି/ପାରଳାଖେମୁଣ୍ଡି) – ସ୍ଥାନୀୟ ସରସ୍ୱତୀ ଶିଶୁ ବିଦ୍ୟା ମନ୍ଦିର ପରିସରରେ ସମ୍ୱାଦ ସାହିତ୍ୟ ଘରର ସପ୍ତମ ବାର୍ଷିକ ଉତ୍ସବ ଓ ରଜଉତ୍ସବ ମହା ଆଡମ୍ୱର ସହକାରେ ପାଳିତ ହୋଇଯାଇଛି । ଉପାନ୍ତ ପ୍ରହରୀ ପୂର୍ଣ୍ଣଚନ୍ଦ୍ର ମହାପାତ୍ରଙ୍କ ସଭାପତିତ୍ୱରେ ଶ୍ରୀ କୃଷ୍ଣଚନ୍ଦ୍ର ଗଜପତି ସ୍ୱୟଂ ସାଶିତ ମହାବିଦ୍ୟାଳୟର ପ୍ରାଧ୍ୟାପକ ଡ. ଅଜୟ କୁମାର ତ୍ରିପାଠୀ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଜାତୀୟ ପୁରସ୍କାର ପ୍ରାପ୍ତ (ସେବା ନିବୃତ୍ତ) ପ୍ରଧାନଶିକ୍ଷିକା ଆଶାଲତା ପାଣିଗ୍ରାହୀ ମୁଖ୍ୟବକ୍ତା ଭାବେ ଯୋଗ ଦେଇଥିଲେ । ସମ୍ମାନୀତ ଅତିଥି ଭାବେ ସରସ୍ୱତୀ ଶିଶୁ ବିଦ୍ୟା ମନ୍ଦିରର ପ୍ରଧାନ ଆଚାର୍ଯ୍ୟ ସରୋଜ କୁମାର ପଣ୍ଡା ଓ ପାରଳା ସମ୍ୱାଦ ସାହିତ୍ୟଘରର ସଂଯୋଜକ ଦେବାଶିଷ ପାଢୀ ଯୋଗଦେଇ ଉଗ୍ର ଆଧୁନିକତା ଆମକୁ ଗ୍ରାସିବାକୁ ଲାଗିଛି, ଏହା ଠାରୁ ଦୁରେଇ ପବିତ୍ର ଓଡିଆ ପରମ୍ପରାକୁ ଆପଣେଇ ପାରିଲେ ଆମର ଜୀବନ ସୁଖ ଓ ଶାନ୍ତିମୟ ହୋଇପାରିବ । ୬୦ ବର୍ଷ ପଛକୁ ଚାହିଁ ଜଙ୍ଗଲରେ ହାତୀକୁ ସୁରକ୍ଷା ଦେବା ସହ ଓଡିଆ ଅସ୍ମିତାକୁ ଶୟନେ ସପନେ ଜାଗରଣେ ଉଜ୍ଜ୍ୱୀବିତ ଜରୁରୀ କହିଥିଲେ । ସାହିତ୍ୟ ଘରର ସମ୍ପାଦକ ବିଚିତ୍ରାନନ୍ଦ ବେବର୍ତ୍ତା ଦୀର୍ଘ ୭ବର୍ଷର ମଧୁ ସ୍ମୃତିକୁ ତାଙ୍କର ସମ୍ପାଦକୀୟ ବିବରଣୀରେ ଉପସ୍ଥାପନା କରିଥିଲେ । ତନୁଜା ଶତପଥୀ ଅତିଥିମାନଙ୍କୁ ମଞ୍ଚ ଉପରକୁ ଆବାହନ କରିଥିବା ବେଳେ ହରିମୋହନ ପଟ୍ଟନାୟକ ସ୍ୱାଗତ ସମ୍ଭାଷଣ କରିଥିଲେ ।
ଏଥିପୁର୍ବରୁ ଅନୁଷ୍ଠିତ ହୋଇଥିବା ହୁଳହୁଳି , ପୁଚିଖେଳ, ଶଙ୍ଖଧ୍ୱନୀ, ଝୋଟି ଓ ପାରମ୍ପରିକ କାକରା ପିଠା, କ୍ଷୀରୀ ପ୍ରତିଯୋଗୀତାର ବିଜୟିନୀ ଛାତ୍ରୀ, ଗୃହିଣୀ ଓ କର୍ମଜୀବୀ ମହିଳାମାନଙ୍କୁ ପୁରସ୍କୃତ କରିଥିଲେ ମଞ୍ଚାସୀନ ଅତିଥି ମାନେ । ବରିଷ୍ଠ ବିଭାଗ କାକରା ପିଠାରେ ସ୍ନେହଲତା ପାଣିଗ୍ରାହୀ ପ୍ରଥମ, ଅନୁଶ୍ରୀ ପଟ୍ଟନାୟକ ଦ୍ୱିତୀୟ , ଶକୁନ୍ତଳା ଶବର ତୃତୀୟ ସେହିପରି କ୍ଷୀରୀରେ ରାଜେଶ୍ୱରୀ ସ୍ୱାଇଁ ପ୍ରଥମ, ଅର୍ପିତା ପାତ୍ର ଦ୍ୱିତୀୟ ସେହିପରି ହୁଳହୁଳି ବରିଷ୍ଠରେ ଶକୁନ୍ତଳା ଶବର ପ୍ରଥମ, କାଞ୍ଚନମାଳା ପଟ୍ଟନାୟକ ଦ୍ୱିତୀୟ , ସ୍ନେହଲତା ପାଣିଗ୍ରାହୀ ତୃତୀୟ । ହୁଳହୁଳି କନିଷ୍ଠରେ ତନିଷା ବେବର୍ତ୍ତା ପ୍ରଥମ, ମହାଲକ୍ଷ୍ମୀ ମହାପାତ୍ର ଦ୍ୱିତୀୟ, ମାମୁନି ବେହେରା ତୃତୀୟ । ଝୋଟି ବରିଷ୍ଠରେ ଅନୁଶ୍ରୀ ପଟ୍ଟନାୟକ ପ୍ରଥମ, ଜ୍ୟୋତି କୁମାରୀ ବେହେରା ଦ୍ୱିତୀୟ, ଦେବକୀ ଜେନା ତୃତୀୟ । ଝୋଟି କନିଷ୍ଠରେ ରାଜେଶ୍ୱରୀ ସ୍ୱାଇଁ ପ୍ରଥମ, ମହାଲକ୍ଷ୍ମୀ ଦ୍ୱିତୀୟ, ମାମୁନି ବେହେରା ତୃତୀୟ ସେହିଭଳି ପୁଚି ଖେଳେ କନିଷ୍ଠରେ ପ୍ରିୟଙ୍କା ବେହେରା ପ୍ରଥମ, ତନିଷା ବେବର୍ତ୍ତା ଦ୍ୱିତୀୟ, ସନ୍ତୋଷିନୀ ପାତ୍ର ତୃତୀୟ ହୋଇଥିବା ବେଳେ ଶଙ୍ଖଧ୍ୱନୀ ବରିଷ୍ଠରେ ଦେବକୀ ଜେନା ପ୍ରଥମ, ସୁନିତା କୁମାରୀ ପଣ୍ଡା ଦ୍ୱିତୀୟ, ସୁନିତା କୁମାରୀ ପ୍ରଧାନ ତୃତୀୟ ହୋଇଥିଲେ । କାର୍ଯ୍ୟକ୍ରମ ଶେଷରେ ସ୍ଥାନୀୟ ଶ୍ରୀଜଗନ୍ନାଥ ଓଡିଶୀ କଳା କେନ୍ଦ୍ରର ଛାତ୍ରୀମାନଙ୍କ ଦ୍ୱାରା ଓଡିଶୀ ନୃତ୍ୟ ପରିବେଷଣ କରିଥିଲେ । ପାରମ୍ପରିକ କାକରା ପିଠା, କ୍ଷୀରୀ ଉପସ୍ଥିତ ସମସ୍ତ ଦର୍ଶକଙ୍କୁ ପରିବେଷଣ କରାଯାଇଥିଲା । ସମସ୍ତ କାର୍ଯ୍ୟକ୍ରମକୁ ଶାଶ୍ୱତୀ ବେବର୍ତ୍ତା, ସ୍ୱସ୍ତିକା ପଟ୍ଟନାୟକ, ନିତ୍ୟାନନ୍ଦ ଚୌଧୁରୀ, ବିଷ୍ଣୁ ପଣ୍ଡା, ଅରୁପାଞ୍ଜଳି ମହାନ୍ତି, ତ୍ରିପତି ପ୍ରସାଦ ପଣ୍ଡା , ଶରତ ଚନ୍ଦ୍ର ସାହୁ ପ୍ରମୁଖ ପରିଚାଳନା କରିଥିବା ବେଳେ ଶ୍ରୀକାନ୍ତ ମହାରଣା ସହଯୋଗ କରିଥିଲେ ।
