!!! ରାୟଗଡ଼ା ଜିଲ୍ଲା ବିଷମକଟକ ରୁ ମାନସ ମହାନ୍ତି ଙ୍କ ରିପୋର୍ଟ୍ !!!
ଏଥର ସମ୍ଭାଳ(ବିଷମକଟକ) – ୨୦ ବର୍ଷ ପରେ ପୁଣି ଥରେ ବିଶ୍ବକପ୍ ଫାଇନାଲ୍ରେ ଦୁଇ ମହାଶକ୍ତି ଭାରତ ଓ ଅଷ୍ଟ୍ରେଲିଆ ମୁହାଁମୁହିଁ ହେଇଛନ୍ତି। ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମ୍ରେ ଅପରାହ୍ଣ ୨ଟାରେ ଏହି ମ୍ୟାଚ୍ ଆରମ୍ଭ ହେଇଛି। ବିଶ୍ବକପ୍ରେ ଏପର୍ଯ୍ୟନ୍ତ ଅପରାଜେୟ ଥିବା ଭାରତ ସବୁଠୁ ଅଧିକ ପସନ୍ଦର ଦଳ ହୋଇଥିଲା ବେଳେ ଅଷ୍ଟ୍ରେଲିଆ ପ୍ରଥମ ଦୁଇ ମ୍ୟାଚ୍ରେ ପରାସ୍ତ ହେବା ପରେ ଆଉ ପଛକୁ ଚାହି ନାହିଁ। କିନ୍ତୁ ଭାରତ ଏବେ ଯେଉଁ ଲୟ ଦେଇ ଗତି କରୁଛି, ଏହି ଦଳକୁ ରୋକିବା ଅଷ୍ଟ୍ରେଲିଆ ପାଇଁ ସହଜ ହେବ ନାହିଁ। ଗତ ୧୨ ବର୍ଷ ମଧ୍ୟରେ ଭାରତ ଏକାଧିକ ଥର ଆଇସିସି ଇଭେଣ୍ଟ୍ର ସେମିଫାଇନାଲ୍ କିମ୍ବା ଫାଇନାଲ୍ ପର୍ଯ୍ୟନ୍ତ ଆସିଥିଲେ ବି ଟ୍ରଫି ଧରିବାରେ ବିଫଳ ହୋଇଛି। ଏବେ ଏହି ସୁବର୍ଣ୍ଣ ସୁଯୋଗକୁ ହାତଛଡ଼ା ନ କରିବାକୁ ଦଳ ପୂରା ଶକ୍ତି ଲଗାଇ ଦେଇଛି। ଅନ୍ୟପକ୍ଷରେ ଅଷ୍ଟ୍ରେଲିଆକୁ ଦୁର୍ବଳ ଭାବିବା ମଧ୍ୟ ବୋକାମି ହୋଇପାରେ। ଏହି ଦଳ ୭ଥର ବିଶ୍ବକପ୍ ଫାଇନାଲ୍କୁ ଆସିଥିଲା ବେଳେ ୫ଥର ବିଜେତା ହୋଇଛି। ତେଣୁ ଦ୍ବିତୀୟ ସ୍ଥାନରେ ରହିବା ଏହି ଦଳକୁ ଅଧିକ ପସନ୍ଦ ନୁହେଁ। ଏହାକୁ ଦେଖିଲେ ଆଜି ହେଉଛି ରବିବାର ଭାରତ ଓ ଅଷ୍ଟ୍ରେଲିଆ ମଧ୍ୟରେ ହେଉ ଥିବା ଏହି ମହାମୁକାବିଲା ଦୁର୍ଗୀ ର ଯୁବ ଗୋଷ୍ଠୀ ପାଇଁ ଅନେକ ରୋମାଞ୍ଚ ଆଣିଦେଇଛି। ସମ୍ପୂର୍ଣ୍ଣ ମ୍ୟାଚ୍ କୁ ଉପଭୋଗ କରିବା ପାଇଁ ଦୁର୍ଗୀ ସ୍ଥିତ ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ଠାରେ ପ୍ରଜେକ୍ଟର୍ ଲଗାଇ ଧୁମ୍ ଧାମ୍ ର ସହିତ ଖେଳ ଦେଖୁଛନ୍ତି। ଏହା ସହିତ ରାୟଗଡ଼ା ଜିଲ୍ଲା ବିଜେଡି ସଭାପତି ତଥା ବିଜୁ ସ୍ବାସ୍ଥ୍ଯ କଲ୍ୟାଣ ଯୋଜନାର ଉପଦେଷ୍ଟା ସୁଧିର ଦାସ୍ ନିଜ ସୋସିଆଲ୍ ମିଡିଆ ମାଧ୍ଯମରେ ଟିମ୍ ଇଣ୍ଡିଆକୁ ସୁଭେଚ୍ଛା ଓ ଶୁଭକାମନା ଜଣାଇଛନ୍ତି।