ଏଥର ସମ୍ଭାଳ ବ୍ୟୁରୋ(ଗୁଣପୁର)- ରାୟଗଡା ଜିଲ୍ଲା ଗୁଣପୁର ବ୍ଲକର ପଞ୍ଚାୟତ ସ୍ତରରେ ଆମ ଓଡିଶା ନବୀନ ଓଡିଶା ଯୋଜନାରେ ପଞ୍ଚାୟତ ପ୍ରତିନିଧି ମାନଙ୍କ ପ୍ରସ୍ତାବକୁ ଅଣଦେଖା କରାଯାଇଥିବା ଅଭିଯୋଗ ହୋଇଛି। ଏ ସଂକ୍ରାନ୍ତରେ ଆଜି ଜିଲ୍ଲାପାଳଙ୍କୁ ଭେଟି ଲେଖି ଜଣାଇବା ସହ ବିଶୃତ ଭାବେ ଆଲୋଚନା କରିଛନ୍ତି ବହୁ ସରପଞ୍ଚ ଓ ସମିତିସଭ୍ୟ ମାନେ । ପଞ୍ଚାୟତ ସମିତି ଅଧ୍ଯକ୍ଷା ଝିଲି ଶବର, ଉପାଧ୍ୟକ୍ଷ ସୁଦର୍ଶନ ଶବର, ଜିଲ୍ଲା ପରିଷଦ ସଭ୍ୟ ଇଜାନ ଗମାଙ୍ଗ ଓ କୁନୀ ନିମାଲା ଙ୍କ ନେତୃତ୍ବରେ ଆଜି ବିଭିନ୍ନ ପଞ୍ଚାୟତର ସରପଞ୍ଚ ଓ ସମିତିସଭ୍ୟ ମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ରେ ଜିଲ୍ଲାପାଳ ସ୍ବଧାଦେବ ସିଂ ଙ୍କୁ ଭେଟି ଆମ ଓଡିଶା ନବୀନ ଓଡିଶା ଯୋଜନାରେ ପଞ୍ଚାୟତ ସ୍ତରରେ ଲୋକ ପ୍ରତିନିଧି ମାନଙ୍କୁ ଅଣଦେଖା କରି ବିଭିନ୍ନ ପ୍ରକଳ୍ପ ମଞ୍ଜୁର ହୋଇଥିବା ଅଭିଯୋଗ କରିଛନ୍ତି। ଭିତ୍ତିଭୂମି ନଥିବା ଓ ପୁର୍ବରୁ ଅନ୍ଯ ଅନୁଦାନରେ ପ୍ରକଳ୍ପ ହୋଇ ସାରିଥିବା ସ୍ଥାନ ମାନଙ୍କରେ ଏବେ ପୁଣି ପ୍ରକଳ୍ପ ଗୁଡିକ ମଞ୍ଜୁର ହୋଇଛି। ପଲ୍ଲିସଭା ଗ୍ରାମସଭା କରାନଯାଇ କେତେକ ଖଳ ପ୍ରକୃତିର ଲୋକ ଏଭଳି ଚଞ୍ଚକତା କରିଥିବାରୁ ଏହାଦ୍ବାରା ପଞ୍ଚାୟତ ର ବିକାଶ ହବା ବଦଳରେ ବିଭ୍ରାଟ ଅଧିକ ଦେଖା ଦେଉଛି ବୋଲି ସେମାନେ ଅଭିଯୋଗ କରିଛନ୍ତି। ତୃଣମୂଳସ୍ତରର ବାସ୍ତବତାକୁ ନଜରକୁ ନେଇ ସରପଞ୍ଚ, ସମିତିସଭ୍ୟ ଓ ଜିଲ୍ଲା ପରିଷଦ ମାନେ ଯେଉଁ ସବୁ ପ୍ରସ୍ତାବ ଦେଇଥିଲେ ସେଥିରୁ ଗୋଟିଏ ବି କାର୍ଯ୍ଯକାରୀ ହୋଇନଥିବା ସେମାନେ କହିଥିଲେ। ପଞ୍ଚାୟତ ପ୍ରତିନିଧି ମାନଙ୍କ ସମସ୍ତ ଅଭିଯୋଗ ସୁଣିବା ପରେ ଏହି ସମସ୍ଯାକୁ ଜିଲ୍ଲାପାଳ ନିଜେ ବୁଝିବେ ବୋଲି ପ୍ରତିଶ୍ରୁତି ଦବାସହ କୌ ପଞ୍ଚାୟତ ରେ କଣ ପ୍ରକଳ୍ପ ହବା ଜରୁରୀ ସେନେଇ ପ୍ରସ୍ତାବ ଦବାକୁ ଉପସ୍ଥିତ ପ୍ରତିନିଧି ମାନଙ୍କୁ ସେ କହିଥିଲେ। ଏହି ସମସ୍ଯା ନେଇ ଗୁଣପୁର ବିଡିଓ ସହ ମଧ୍ୟ ଆଲୋଚନା କରିବେ ବୋଲି ଜିଲ୍ଲାପାଳ କହିଥିବା ଉପସ୍ଥିତ ପ୍ରତିନିଧି ମାନେ ସୂଚନା ଦେଇଛନ୍ତି। ଏହି ଆଲୋଚନା ବେଳେ ଘନାନ୍ତ୍ରୀ ସରପଞ୍ଚ ନିଳକଣ୍ଠ ଶବର, ଭିମପୁର ସମିତିସଭ୍ୟ ଅନାମ ଶବର, ଡମ୍ବସରା ସରପଞ୍ଚ ସନ୍ତୋଷୀ ଶବର, ବାଘଶଳା ସରପଞ୍ଚ କମଳା ଶବର, ସମିତିସଭ୍ୟା ନାଗେଶ୍ବରୀ ଶବର, ଚାଲକମ୍ବା ସରପଞ୍ଚ ପ୍ରଭାତୀ ଶବର, ସିରିଝୋଲି ସମିତିସଭ୍ୟା ନିଳାବତୀ ଶବର, ଗଟଳପଦର ସରପଞ୍ଚ ମାଣ୍ଡାଙ୍ଗୀ ଶ୍ରୀମତି, ଗାଦିଆଖଳା ସମିତିସଭ୍ୟା ଅନୁ ମାଣ୍ଡାଙ୍ଗୀ, ସରପଞ୍ଚ ରବି ଶବର, ରେଗେଡା ସମିତିସଭ୍ୟା ବାସନ୍ତି କଲକା, କୁଲୁସିଂ ସମିତିସଭ୍ୟା ତାମନି ଗମାଙ୍ଗ, ଜଲତାର ସମିତିସଭ୍ୟ ଜଗଦିଶ ଶବର, ଟଲଣା ସରପଞ୍ଚ ସନ୍ତୋଷି ଶବର, ପୁଟାସିଂ ସମିତିସଭ୍ୟା ସଲମନ ଗମାଙ୍ଗ, ଶଗଡା ସମିତିସଭ୍ୟ ମଜିଂତ ଶବର, ଆବଡା ସମିତିସଭ୍ୟ ଇଶ୍ର ଶବର, ଭିମପୁର ସରପଞ୍ଚ ଚକ୍ର ଶବର ପ୍ରମୁଖ ଉପସ୍ତିତ ଥିଲେ।
