!!! କେନ୍ଦୁଝର ରୁ ରବିନ୍ଦ୍ର ଖମଣିଆ ଙ୍କ ରିପୋର୍ଟ !!!
ଏଥର ସମ୍ଭାଳ (କେନ୍ଦୁଝର) – କେନ୍ଦୁଝର ଜିଲ୍ଲା ରୁଗୁଡ଼ି ଥାନା, ୫୨୦ ନମ୍ବର ଜାତୀୟ ରାଜପଥ, ଗନ୍ଦଲପଦା ନିକଟରେ ଅଘଟଣ । ରାସ୍ତା ଉପରେ ଶୋଇଥିବା ଗୋରୁ ପଲଙ୍କ ଉପରେ ଚଢ଼ିଯାଇଛି ଅଜଣା ଟ୍ରକ୍ । ଘଟଣାସ୍ଥଳରେ ୯ ଗୋରୁଙ୍କ ମୃତ୍ୟୁ ହୋଇଥିବା ବେଳେ ଗୋଟିଏ ଗୋରୁ ଗୁରୁତର ଆହତ ହୋଇଥିବା ଜଣାପଡିଛି । ଆଜି ଭୋର ସମୟରେ ଏହି ଅଭାବନୀୟ ଘଟଣା ଘଟିଥିବା କୁହାଯାଉଛି । କୋଇଡ଼ା ପଟୁ କେନ୍ଦୁଝର ରାସ୍ତାରେ ଯାଉଥିବା କୌଣସି ଏକ ଟ୍ରକ୍ ଗୋରୁ ପଲଙ୍କ ଉପରେ ମାଡ଼ିଯାଇ ଘଟଣା ସ୍ଥଳରୁ ଖସି ପଳାଇଛି । ଘଟଣା ପରେ ସ୍ଥାନୀୟ ଅଂଚଳରେ ଉତ୍ତେଜନା ଦେଖାଦେଇଥିଲା । ସୂଚନାପାଇ ରୁଗୁଡ଼ି ପୋଲିସ୍ ଘଟଣାସ୍ଥଳରେ ପହଁଚି ମୃତ ଗୋରୁଙ୍କୁ ରାସ୍ତା ଉପରୁ ଉଠାଇଛି । ଆହତ ଗୋରୁକୁ ଯୋଡ଼ା ସ୍ଥିତ ନନ୍ଦୀ ଗୋ ସେବା କେନ୍ଦ୍ରକୁ ପଠାଇବା ପାଇଁ ବ୍ୟବସ୍ଥା କରାଯାଇଛି ।
