ଷ୍ଟେଟ୍ ବ୍ୟାଙ୍କ ପ୍ରଥମ ଶାଖାର ୧୫୦ତମ ବର୍ଷ ପୂର୍ତି ପାଳନ
ଭୁବନେଶ୍ୱର: ଭାରତୀୟ ଷ୍ଟେଟ୍ ବ୍ୟାଙ୍କର ଭୁବନେଶ୍ୱର ମଣ୍ଡଳ ଲବିରେ ବ୍ୟାଙ୍କର ପ୍ରଥମ ଶାଖାର ୧୫୦ତମ ବର୍ଷ ପୂର୍ତି ପାଳନ କରାଯାଇଛି। ୧୮୬୮ରେ ବ୍ରହ୍ମପୁରଠାରେ ଏହି ଶାଖାକୁ ଖୋଲାଯାଇଥିଲା। ସେତେବେଳେ ବ୍ୟାଙ୍କର ନାମ ବ୍ୟାଙ୍କ ଅଫ୍ ମାଡ୍ରାସ୍ ଥିଲା। ଆଜିର କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇ ରାଜ୍ୟପାଳ ଡକ୍ଟର ଏସ୍ ସି ଜମିର ଏକ ସ୍ୱତନ୍ତ୍ର ଲଫାପାକୁ ଉନ୍ମୋଚନ କରିଛନ୍ତି। ସମ୍ମାନିତ ଅତିଥି ଭାବେ ସିପିଏମ୍ଜି ଏସ୍ ସି କାମିଲା ଯୋଗ ଦେଇଥିଲେ। ଏହି ଅବସରରେ ବ୍ୟାଙ୍କର ମୁଖ୍ୟ ମହାପ୍ରବନ୍ଧକ ବିଭିଜି ରେଡ୍ଡି, ମହାପ୍ରବନ୍ଧକ ଗୌତମ ଭଟ୍ଟାଚାର୍ଯ୍ୟ, ମହାପ୍ରବନ୍ଧକ ଏସ୍ ଠାକୁର ଓ ଉପମହାପ୍ରବନ୍ଧକ ଏସ୍ ବି ଖୈରନାର୍ ଉପସ୍ଥିତ ଥିଲେ। ଏହି ଅବସରରେ ବ୍ରହ୍ମପୁର ଶାଖାର ଦୁଇ ଜଣ ପେନ୍ସନ୍ଭୋଗୀ ଏବଂ ଜଣେ ଗ୍ରାହକଙ୍କୁ ସମ୍ବର୍ଦ୍ଧିତ କରାଯାଇଥିଲା।