ଆଦିବାସୀ ଦିବସ ପାଳନ କରିନି ଜିଲ୍ଲା ଆଦିବାସୀ ମହା ସଂଘ; ଭାଗୀରଥୀ ମଣ୍ଡାଙ୍ଗି ଙ୍କ ହତ୍ୟାକାରୀ ର ଗିରଫ୍ ପରେ ଆଡ଼ମ୍ବର ରେ ପାଳିବୁ….!

!!! ରାୟଗଡ଼ା ରୁ ପି. ଦିଲ୍ଲୀପ କୁମାର ଙ୍କ ରିପୋର୍ଟ୍ !!! 

ଏଥର ସମ୍ଭାଳ (ରାୟଗଡ଼ା) – ରାୟଗଡା ସଦର ମହକୁମା ତୁମ୍ବିଗୁଡ଼ାର ସ୍ୱର୍ଗୀୟ.ଭାଗୀରଥି ମାଣ୍ଡାଙ୍ଗି ବିଜେଡି ଦଳର ତୃଙ୍ଗ ନେତା ତଥା ବିଜେଡ଼ି ଦଳର ୨୦ ନମ୍ବର ୱାର୍ଡର କାଉନସିଲର ଏବଂ ମଝିଘରିଆଣୀ ମନ୍ଦିର ର ଟ୍ରଷ୍ଟ ବୋର୍ଡ ମେମ୍ବର ଥିଲେ। ସ୍ଵର୍ଗତ ଭାଗୀରଥି ମାଣ୍ଡାଙ୍ଗିଙ୍କ ହତ୍ୟାକାଣ୍ଡ ଘଟଣାକୁ ୧୩ ବର୍ଷ ବିତି ଲାଣି। ହତ୍ୟାକାଣ୍ଡର ରହସ୍ୟ ଉନ୍ମୋଚନ କରିବାରେ ଫେଲ୍ ମାରିଛି ପୁଲିସ ଓ କ୍ରାଇମବ୍ରାଞ୍ଚ। ତଥାପି ନ୍ୟାୟ ପାଇଁ ସଂଘର୍ଷ ଜାରି ରହିବ ବୋଲି କହିଛି ଜିଲ୍ଲା ଆଦିବାସୀ ମହା ସଂଘ । ଏକ ସାମ୍ବାଦିକ ସମ୍ମିଳନୀରେ ସଂଘ ଆବାହକ ବସନ୍ତ ଉଲ୍କାକା ଓ ସାଧାରଣ ସମ୍ପାଦକ ଜଗନ୍ନାଥ ମାଣ୍ଡାଙ୍ଗି କହିଛନ୍ତି,୨୦୧୦ ଡିସେମ୍ବର ୧୫ରେ ଭାଗୀରଥି ନିଖୋଜ ଥିଲେ।କିଛିଦିନ ପରେ ଆନ୍ଧ୍ରପ୍ରଦେଶର ଝଞ୍ଜାବତି ନଦୀ କୂଳରେ ତାଙ୍କ ଶବ ଉଦ୍ଧାର ହୋଇଥିଲା।ଏହି ହତ୍ୟାକାଣ୍ଡର ଶାସକ ବିଜେଡି ଦଳର ପୁର୍ବତନ ସାଂସଦ ଏନ.ଭାସ୍କର ରାଓଙ୍କ ହାତ ରହିଛି।ଏହି ଘଟଣାର ତଦନ୍ତ ପାଇଁ ପ୍ରଥମେ ରାୟଗଡା ଥାନା ପୁଲିସ ଓ ପରେ କ୍ରାଇମବ୍ରାଞ୍ଚ ନେଇଥିଲା।କିନ୍ତୁ ରାଜ୍ୟ ସରକାର ଓ ଏନ.ଭାସ୍କର ରାଓଙ୍କ ଚାପରେ ତଦନ୍ତକୁ ଚାପି ଦିଆଯାଇଛି ବୋଲି ଆଜି ପୁନର୍ବାର ଅଭିଯୋଗ କରିଛି ରାୟଗଡ଼ା ଆଦିବାସି ମହାସଂଘ।ଏହି ଘଟଣା ପରେ ଆଦିବାସୀଙ୍କୁ ଭାଗ ଭାଗ କରାଯାଇଛି। ସେମାନଙ୍କ ସୁରକ୍ଷା ପାଇଁ ସରକାର କାମ କରୁ ନଥିବା ନେତାମାନେ ଅଭିଯୋଗ କରିଥିଲେ।ଏହାର ପ୍ରତିବାଦରେ ୱାର୍ଡ ସ୍ତରରେ ଆନ୍ଦୋଳନ କରାଯିବ ବୋଲି ଆଦିବାସି ମହା ସଂଘ ର ସଭାପତି ଶ୍ରୀ.ବସନ୍ତ ଉଲାକା କହିଛିନ୍ତି।ଆଜି ଆମର ଆଦିବାସୀ ଦିବସ ଆମେ ପାଳନ କରିବୁନାହିଁ ଯେଉଁ ଦିନ ଭାଗୀରଥିଙ୍କ ହତ୍ୟାକାରୀକୁ ଗିରଫ କରାଯିବ ସେହିଦିନ ମହା ଆଡ଼ମ୍ବରରେ ପାଳନ ହେବ ବୋଲି କହିଛନ୍ତି।କାରଣ ପୁଲିସ ଡିଜି ଆମକୁ ପ୍ରତିଶ୍ରୁତି ଦେଇଥିଲେ ବୋଲି କହିଛନ୍ତି।ସାମ୍ବାଦିକ ସମ୍ମିଳନୀରେ ସଂଘ ସଭ୍ୟ ସତ୍ୟବାନ ମାଣ୍ଡାଙ୍ଗି,ବାସା ମାଣ୍ଡାଙ୍ଗି,ତିମାନା ପୁଆଲା,ଶଙ୍କର ଜିଲାକାରା,ରଞ୍ଜନ ଜିଲାକାରା ପ୍ରମୁଖ ଉପସ୍ଥିତ ଥିଲେ।